Page 100 - Саха тыла 9 кылаас

8 эрчиллии. Этии чилиэнинэн ырытыҥ, тыллар ханнык саҥа чааһа буо-
лалларын ыйыҥ, бэлиэтэммит тыллары састаабынан ыры-
тыҥ.

Толоруу холобура: Биһиги, арааһа, куораттааччылары куоттараа-
ры олоробут быһыылаах.

Биһиги (солб. аат), арааһа (сыһыан т.), куораттааччылары (аат т.),
куоттараары (сыһыат туохтуур),олоробут (туохтуур), быһыылаах (эбиискэ).

т аа
Куораттааччылары < куорат+лаа+ааччы+лар+ы
Куорат — тыл олоҕо, аат тыл
-лаа — туохтуур үөскүүр сыһыарыыта
-ааччы — аат тыл үөскүүр сыһыарыыта
-лар — элбэх ахсаан сыһыарыыта
-ы — туохтуу түһүк сыһыарыыта

Куоттараары < куот + тар+аары
Куот — тыл олоҕо, соруйар киэп, 2 сирэй
-тар — дьаһайар туһаайыы сыһыарыыта
-аары — кэлин сыһыат туохтуур сыһыарыыта

1. Орто оскуоланы бүтэрдэхпинэ, үрдүк үөрэххэ киириэхпин баҕа-
рабын, ол иһин үөрэхпэр олус кыһаллабын. 2. Дьоммуттан ыйыта
иликпин эрээри, сөбүлэспэттэрин билэбин. 3. Хаппыт сэбирдэхтэр
көтөн талбаарыҥнастылар, иирэлэр илгистэн хойуоллаҥнастылар, уу
долгуннурда.

9 эрчиллии. Бэриллибит этиилэри этии чилиэннэринэн уонна саҥа чаа-
һынан ырытыҥ.

Толоруу холобура: Үрүҥ — даҕааһын аат, барамай бэлиэтин көр-
дөрөр тыл, ханнык (хайдах)? өҥү бэлиэтиир, хаачыстыба даҕааһына,
төрүт олох, быһаарыы суолтатыгар уларыйбат, быһаарыы

1. Үрүҥ эһэ арҕаһыныы Үллэр бааллаах хоту байҕал Кытылыгар
айар-ыллыыр Сахам сирэ барахсан. 2. Оо, төрөөбүт Ийэ дойдум, тап-
тыыбын эн ырыаларгын, Хара улар хааһын курдук, Аалай кыһыл са-
рыалгын. (ИГ). 3. Мин биэс кылаас үөрэхтээх, уон сэттэлээх уол, биир
кыһын учуутал буолбуттаах этим. (АА). 4. Дьэ билигин ханан барбытын
билиэххэ уонна уйатыгар диэри сонордуохха. (ВП). 5. Кырдьыга, атаҕын
тэҥниэх киһини сарсыныгар луохтуур кэлэн өрүһүйдэ. (СО).

100