Page 31 - Саха тыла 9 кылаас

61. Тэҥ оруоллаах холбуу этии туhаанын, кэпсиирэтин булуҥ. Этии
суолтатын быһаарыҥ, сурук бэлиэтин туруоруҥ.

1. Баай уопсастыбатыгар эбэтэр эн кими эмэ халыыгын эбэтэр эйи-
гин ким эрэ халыыр. (СО) 2. Оҥкучах сиргэ уу хоммот буолбат турар
маска көтөр түспэт буолбат. (Өс хоһооно) 3. Петя бэркэ кыһанан-мүһэ-
нэн суруйа сатаата да учуутала тоҕо эрэ хайҕаабата. (ББ) 4.Түөрт киһи
өһүө көтөҕөр икки киһи таҥараҕа үҥэр биир киһи дьиэ сиппийэр икки
киһи уот тутар икки киһи иһиллиир үһү. (Атах, муос, кутурук, харах, кулгаах).
5. Кырдьык, сорох киһи киэҥи-куоҥу улаханнык дьылҕалыыр оттон со-
рох дьиэ эргиннэҕинэн эрэ сылдьар быһыылаах эбит. (СО) 6. Мин дой-
дубар үлэлии хаалбытым, оттон Миша биир сиргэ түптээн өр олорбот
киһи, оройуоннары кэрийэ сылдьан үлэлиирин сөбүлүүр. (ПА)

62. Буолбат халыып -бат (<-ма) хатыланыытын (түспэт буолбат)
хайдах өйдүүгүтүй?

63. Судургу этиини тэҥ оруоллаах холбуу этии гына ситэриҥ.
Сурук бэлиэтин туруоруҥ.

1. Былырыыҥҥы солооһуннара бурдук бөҕөнү биэрбитэ. (РК) 2. Уолат-
тар көрүдүөргэ бөлүөҕэн туран көрбүт киинэбитин кэпсэтэбит. (Д) 3. Мин
кыргыттары куттаары куоласпын уларытан саҥардым. (ГК) 4. Чэпчэки
суол сыаната эмиэ чэпчэки. (АА) 5. Икки уол биир-биир кэбиниэттэн
тахсан бардылар. (ВЯ) 6. Кини сахалыы ыраастык саҥарар. (ИГ)

64. Аахпыт айымньыттан тэҥ оруоллаах хас да холбуу этиитэ булан
устуҥ. Дакаастааҥ.
Тэҥ оруоллаах хас да холбуу этиини толкуйдаан суруйуҥ. Сурук
бэлиэтин туруоруҥ.

Тэҥэ суох оруоллаах тэҥҥэ холбуу этиигэ бастакы чаас суол-
татын иккиһэ ситэрэн-толорон, быһааран биэрэр майгыннаах буо-
лар. Онон баһылатыылаах холбуу этиигэ ис хоһоонунан балачча
маарынныыр.

Маннык холбуу этии бэлиэтиир:
1. Утуу-субуу буолар көстүүнү. Иккис этии бэлиэтиир суол-
тата бастакыттан тутулуктаах: онтуката суох атын көстүү буолбат
курдук өйдөнөр. Сороҕор онтон ситим тыл туттуллар. Сурукка ку-
руук соппутуой турар.

31