Page 28 - Саха тыла 9 кылаас

1. Мин хайаан да чэгиэн-чэбдик буолуохтаахпын. 2. Дьоллоох киһи
утары тыалга түбэһэр. 3. Сааскы күн түннүгүнэн күлүмнүү мичээрэр.
4. Куһаҕан киһи сибэккини сэргиэ суоҕа. 5. Доҕорум наар үчүгэйи баҕа-
рар, үтүөнү ыралыыр.

56. Көтүтүү оннугар сөптөөх ситим, ситимниир тылы туттан, этиини
ааҕыҥ. Ис хоһооно хайдах уларыйарын кэтээҥ. Тэҥ эбэтэр тэҥэ
суох оруоллаах тэҥҥэ холбуу этии буоларын быһаарыҥ.

1. Биһиэхэ баар 760 тыһыынча күөл туһунан кэпсиир кыаллыбат, …
мин Ньидьили эрэ туһунан сэһэргии түһүөм. 2. Күн киириитэ балык кы-
тыыга анньар, … күөл кытыытыгар ыам балыгын тыаһа-ууһа бэлиэтик
иһиллэр. 3. Мин аргыый аҕай эрдэбин, … аҕам илим үтэр. 4. Киирэн
эрэр күн саһарҕата сандаарыччы тыкта, … халлаан арҕаа эҥээрэ кыта-
ра кыыста. 5. Ууттан хап-хара күтүр көҕүс көһүннэ, … уу өрө ыһыллан
таҕыста. 6. Сотору долгун уоһунна, … эмиэ уу чуумпу буолла. 7. Өй-
мөкөөн күтүрэ көстө илик, … ол туһунан кэпсиир остуоруйалар кэм да
тыыннаахтар. (Иван Данилов)

Туһанар матырыйаалгыт: оттон, онон, ол эрээри, хата, онтон.

Ситимнээх саҥа

ТЫЛЫНАН УУС-УРАН УОННА СУРУГУНАН
УУС-УРАН ТИЭКИС ТУСПАТЫЙЫЫЛАРА

57. Икки айымньыны тэҥнээн көрүҥ: 1) тиэмэтэ, 2) ааптар туттар
уобараһа, тыла-өһө, 3) хоһоон халыыба. Тылынан уус-уран уонна
суругунан уус-уран тиэкис туох уратылаахтарын быһаарыҥ.

1. …Саарба кыыл
Самыытын талыыта саҥыйахтаах,
Уоттаах саһыл
Кутуруктуун уорҕата түһүлүктээх,
Муостаах буур кэрэмэс
Тыһа бэргэһэлээх,
Байдам тутуу,
Барылы кэскил,
Баай барыылаах тойон эһэм!
Саха урааҥхайы
Салыҥнаах ытыстаабытыҥ.
Хааннаах уллуҥахтаабытыҥ,

28