Page 32 - Саха тыла 9 кылаас

Холобур: Хаайыы күлүүһүн тыаһа халыгыраата, аан аһылын-
на, икки фашист киирдэ. (ТС) Каюр төбөтө улам иннин диэки нө-
рүйэн барда, онтон өр-өтөр бүппэт суол ырыата саҕаланна. (НЗ)

2. Төрүөтү. Бастакы этии суолтата иккис этиигэ сылтах, тө-
рүөт буолар. Онон, ол иһин ситим тылынан холбонор, сурукка
ситим тыл иннигэр соппутуой турар.

Холобур: Афанасий дьээдьэ тостубут атаҕы быраастааҕар ор-
дук тутар, онон эн куттаныма, дөбөҥнүк үтүөрүөҥ, сотору оһуо-
хайдаан ойбутунан барыаҥ. (ЛП) Биһиги дьыалабыт кырдьыктаах,
ол иһин холкубут. (АА)

Арыт төрүөт буолар көстүүнү иккис этии бэлиэтиир. Оччоҕо
икки туочука турара ордук, холобур: Оттон Илья тыс этэрбэһин
устара өссө кытаанах буолла: кээнчэлиин хам тоҥмут. (СН)

3. Тэҥнээһини. Саҥарар да, суруйар да киһи икки көстүүнү
сэргэ тутан, тэҥнээн көрөр. Мэлдьи анаан, тоһоҕолоон бэлиэтиир
интэнээссийэлээх. Ол эрээри сурукка мэлдьи соппутуой турар.

Холобур: Сылгы сыатынан, саһыл түүтүнэн. Кыыһыр да, до-
ҕоор, оннооҕор халлаан тыалырар. (Өс хоһоонноро)

4 Түмүгү. Ол аата холбуу этии бастакы чааһа кэнники чаас
бэлиэтиир көстүүтүн түмүктүүр, чопчулуур-чуолкайдыыр. Бастакы
этии кэпсиирэтигэр ураты охсуу түһэр, сурукка үксүн икки туочу-
ка турар.

Холобур: Учуутал эргиллэн хайыһан көрбүтэ: бүтэй эркинигэр
икки киһи өйөнөн тураллар эбит. (АА) Тойон ураһаттан тахсыбы-
та, куйаҕын кэппит, кыргыс сэбин иилиммит Өрөк Чөрөк ыҥыыр-
даммыт атын иннигэр сэргэҕэ өйөнөн турара. (НУ)

65. Тэҥэ суох оруоллаах холбуу этиини устан, арааһын ыйыҥ, туһаа-
нын, кэпсиирэтин бэлиэтээҥ. Сурук бэлиэтин туруорары умнумаҥ.

1. Үүт суох, ынаҕым бэҕэһээ, бүгүн ыаппата. (К) 2. Өйдөөтүм: дьах-
таллар үүтэ суох ынахтары талан ыы сатыыллар. (НУ) 3. Ат туйаҕын
тыаһа тибигирээтэ онтон били саллааттар көтөн түстүлэр. (НГ) 4. Кэл-
битэ, оҕото Чыычаах, холумтаҥҥа кэлэн быардыы охто сытан, көмөрү
ыстыы-ыстыы сиир. (К) 5. Баай барыта наадалаах суол ол да иһин баай
баҕатыгар дьон ол-бу буолаллар эбит. (А) 6. Аты тэһииниттэн харбаан
ыллым ат өрө турда дьахтар «уой» диэбитинэн сиргэ ыстанан кэбистэ.
(АА) 7. Билигин тыл бэрилиннэ да аны бас даҕаны барыахтааҕа. (О)

32