Page 37 - Саха тыла 9 кылаас
P. 37
— тиэкис тыла-өһө сыппах, киһи таттаран аахпат, дэбигис өйдөөбөт
курдук ыарахан, о.д.а.
Онон тиэкиһи оҥорорго анаан үөрэнэр, элбэхтик эрчиллэр наада.
73. Тиэкискэ туох итэҕэс баар буолуон сөбүн түмэн кэпсэтиҥ.
Манна туох итэҕэс баарый? Ону көннөрөн суруйуҥ. Кылаас-
кыт оҕолоруттан ким тиэкиһи үчүгэйдик көннөрбүтүн сыана-
лааҥ.
Мин эһэм булчут этэ. Кини миэхэ эдэр сылдьан хайдах бултуурун
өтөр-өтөр кэпсээччи. Биирдэ кустуу барбыт. Хонуктаах булка. Ытын ил-
дьэ барбыт. Баран истэҕинэ иннигэр кута көстүбүт.
Оттон мин сайын дьүөгэ кыргыттарбын кытта дьэдьэннии барааччы-
быт.
Хата, дьолго, ыт от быыһынан кытыыга соһон таһаарбыт. Ууга кө-
рүммүтэ, сирэй-харах, дьүһүн-бодо буорайбыт. Ыта эмиэ бадараан бө-
ҕө буолбут. Өлөр өлүүттэн ыта быыһаан, үөрэн-көтөн дьиэтин булбут.
74. Бэриллибит тыл ситимнэрин суолталарын быһаарыҥ, тыл
көнө уонна көспүт суолталаах буоларын өйдөөҥ. Бу тыллары
туттан судургу этиилэрдэ суруйуҥ.
Хара тыа, хара ыт, хара үлэ, үлэ харата, хара харах, харах харата
хара тураах, хара уу, хара санаа, хара сир, хара көлөһүн.
75. Эдэр ааптардар кэпсээннэрин хомуурунньугун ааҕыҥ, тиэ-
кистэригэр туох итэҕэс баарый, сыаналааҥ, түмүктэ оҥоруҥ,
иһитиннэриҥ.
ПУБУЛУУСТУКА ИСТИИЛЭ
Дьон-сэргэ интэриэһин көтөҕөргө, кинилэри биир өйгө-санааҕа
түмэргэ, өрө күүрдэргэ хаһыакка, сурунаалга, араадьыйаҕа, тэлэбии-
дэнньэҕэ, мунньахтарга пубулуустука истиилэ туттуллар. Этэр тыл дьоҥ-
ҥо тиийимтиэ уонна өйдөнөр буоллун диэн, уустаан-ураннаан этиилэр,
сытыы ох тыллар, өс хоһоонноро, риторическай ыйытыылар уо.д.а. тут-
туллаллар.
37
