Page 29 - Саха тыла 9 кылаас

Булчукка уһуйбутуҥ,
Сүр кута үөскүөҕүттэн
Булчут уол оҕоҕо
Чугаһыах буолбутуҥ,
Күөх хара тыа
Күөнүн анныгар
Күлүктэнэн тураҥҥын,
Күллэрэстээн күлүм аллайа
Тоһуй эрэ!..

2. …Кыһыл саһыл кыалыктаах,
Хара саарба хаппардаах,
Быалаах кэрэмэс кымньыылаах,
Ойдоох буурай оонньуулаах,
Бардам тутуу,
Барылы кэскил
Баай барыылаах
Тойон эһэм!
Истэ сэргэҕэлээ,
Көрө бүдүүлээ!
Тус бэйэҥ туһааннаах
Доҕор гынан туһалаа:
Уурбуттаах буолларгын — уларытыма,
Анаабыттаах буолларгын — аралдьытыма.
Мурун анныттан
Булта булан кулу,
Атах анныттан
Алта айан кулу!

(Өксөкүлээх Өлөксөй)

58. Тылынан уус-уран уонна суругунан уус-уран тиэкис холобурун бу-
лан атыттарга ырыттарыҥ.

59. 57-с сорудахха баар холобурдартан эргэрбит тыллары булан
бэлиэтэниҥ, суолтатын тылдьыттан көрөн быһаарыҥ.

60. Өксөкүлээх Өлөксөй айымньыларыттан биири талан, ырытан,
тыл этэргэ бэлэмнэниҥ, ханнык истиили тутуһаргын толкуй-
дааҥ.

29