Page 25 - Саха тыла 9 кылаас

2. Быйыл кытаанах кыстык буолара чуолкай. Саас хойутаан кэлэн,
онуоха эбии сайын ардах мэһэйдээн, от кыайан оттоммото. Үгүс ыал
сүөһүтэ-аһа дьыл хайдах туораан, күөххэ үктэнэрэ биллибэт. Ону уһа-
та-кэҥэтэ барбакка, от булунар суолу толкуйдуохха наада. Харчы суох
диэн сылтах буолара сыыһа. Ынахпытын-сылгыбытын биир эрэ кыһын
туттан кэбистэхпитинэ, бу ырыынак ыар кэмигэр хайдах ыал-дьон буо-
луохпутуй? Саха киһитэ саллар сааһын тухары ынах, сылгы ииттэн,
аһаан-таҥнан олорбутун умнар табыллыбат.

48. Талбыт тиэмэҕитигэр суругунан уонна тылынан тиэкис холо-
бурун суруйуҥ, туох уратылааҕын быһаарыҥ.

49. Учуутал эппит тиэмэлэриттэн талан тылынан тиэкистэ тол-
куйдааҥ, иһитиннэриҥ.

50. Бэриллибит тыллар ситимнэрин туттан холбуу этиилэрдэ суру-
йуҥ. Тылынан эбэтэр суругунан тиэкискэ туттаргын быһаарыҥ.

Киһи хараҕа халтарыйар, хараҕа туолбат, күөгэйэр күнэ, күнэ ха-
раарда, көтүөн кыната суох, кынатын куурдар.

51. Аахпыт айымньыгытыттан тылынан уонна суругунан тиэкис
холобурун булан сурунуҥ.

Тэҥҥэ холбоммут холбуу этии

7 §. Тэҥҥэ холбоммут
холбуу этии арааһа

52. Бу этиилэри тэҥнээн көрүҥ. Тугунан эмэ уратылаһаллар
дуо?

1. Күһүн күн кылгыыр, тымныйар. 2. Күһүн күн кылгыыр, халлаан
тымныйар. 3. Күһүн күн кылгыыр, халлаан биллэ тымныйар, түүн быдан
уһуур.

Тэҥҥэ холбуу этии маннык сүрүн бэлиэлээх:
· Тэҥҥэ холбуур этии ситим тыл эбэтэр интэнээссийэ көмө-

түнэн үөскүүр.
25