Page 94 - ЛИТЕРАТУРА АА5ЫЫТА 3 КЫЛААС 1 ЧААhA

күүһүрэн дьүүлэ-дьаабыта биллибэттик куугунатан бар-
да. Тэхтиртэн тэбинэ-тэбинэ, таас хайалар очумаас
арҕастарын кумалаан эрэр курдук, тэбиэһирэ-тэбиэһирэ
дэлбэритэ барар икки-үс этиҥ арыалдьыттанна. Былыт
сыыйа тэнийэн, этиҥэ сөҕүөрэн, сөрүүн илгэлээх ардах
киэһэни быһа суккуйда.

Сарсыарда эрдэ уһуктан, хайдах күн буолбутун билээ-
ри түннүгүм сабыытын аһабын. Халлаан уоҕа-кылына тах-
сан, көнньүөрбүттүү ыраастанан чэмэлийбит. Саҥа тахсан
эрэр күн сыыр быллаарын ааҕан, көмүс сардаҥатынан
дуйдаабыт. Үтүө күн үүммүтүн көрсөөрү таһырдьа тах-
сабын. Уулусса килэйэн сытар. Бадараана суох кырыс
устун хаамаары сыыры дабайабын. Сир-дойду утаҕа ха-
нан, суунан-тараанан тупсубута сүр, холкутугар түһэн
наскыйбыт. Көтөр-сүүрэр көрүлээбит, күөрэгэйдэр, бэйэ-
бэйэлэриттэн өрүһүспүттүү, кынаттарын төбөтүн тыры-
бынатан биир сиргэ битийэллэр, үөрүү-дьол ырыатын
ыһаллар. Ол ахсын сир-дойду ордук тупсарга, киэркэ-
йэргэ, от-мас нуоҕайа хоҥкуйарга дылылар. Көрөн тур-
дахха, сибэкки apaaha эгэлгэ өҥнөрүнэн арына тарды-
нан, ол көмүс дорҕоону истэ сатыыр курдуктар.

Туох да кыһалҕата суох мин ыраас санаа аргыста-
нан аа-дьуо хааман иһэбин. Сылгы чыычааҕа иннибин
быһа көттө. «Ээ, били сири үүттээччилэр ыспыт цемен-
нээх куулларын анныгар сымыыттаабыт чыычаах доҕоро
сырыттаҕа» дии санаан, ханна түһэрин кэтэстим. Сэрэй-
битим курдук, тыал үүрэн илдьэн оҥхойго хаптаччы бы-
рахпыт кубарыйбыт кумааҕы куул таһынааҕы чөҥөчөккө
түстэ. Toҕo эрэ тулуйбат-тэһийбэт, биир сиргэ тохтуу
түспэт, туттара-хаптара сыыдамсыйбыт, өссө туох эрэ
уратыламмыт. Бай! Уһун баҕайытык бычыгыраан саҥарар,
94