Page 118 - Литература 5 кылаас 1 чааhа

Толкуйданна, бадаҕа…
Чуур-чаар силлээн элиттэ,
Өттүк баттанан кэбистэ.
Өлөр өлүү түллүүтүнэн
Үөһэ, аллара быластаан
Үллэр долгун үрдүттэн
Өҥөйөн туран үөгүлээтэ:
«Чалбах ууга даҕаны
Даамҥын, кыаххын биэрэҥҥин,
Чачайар буолан бараҥҥын,
Саарыстыбаны салайар,
Чаҕар дьону дьаһайар
Саар-тойон аатырбыккын
Сатаан өрүү санаабаппын.
Соххор-доҕолоҥ сүмэтин
Супту оборон түммүккүн
Тус бэйэм баайым диэн,
Суотуйарыҥ баар эбээт!..
Дьадаҥыны саралаан,
Саллар сааскар таптайбыт
Салаҥ элбэх састаайгар
Саантаабаппын мин ончу.
Чаҕардары татылҕалаан,
Талаҕынан таһыйталаан,
Таба-минэ оҥостору
Таптаабаппын мин ончу,
Таалар сүрэҕим ыратын,
Саныыр санаам баҕатын —
Саргылардаах таастарбын
Чахчы биэрэр буоллаххына,
Таһаарары ылынабын!»
Инньэ-манньа дэһэннэр,
Бигэ тылы бэрсиһэннэр,
Чурум-Чурумчуку
Чупчуруйдаан обургу

118