Page 15 - Литература 5 кылаас 1 чааhа

төһө элбэх тылы эппитинэн куоталаһаллара. Онон,
чабырҕах бэрт дьикти, ис кистэлэҥнэрдээх саха но-
руотун тылынан уус-уран айымньытын ураты көрүҥэ.

(В. А. Ноговицын)

? Ыйытыылар уонна сорудахтар

1. Д. К. Сивцев—Суорун Омоллоон чабырҕаҕы «тас
киэбинэн кини хоһоон курдук, ол гынан баран,
субурҕата кылгас, кэрчик буолар» диэн бэлиэтээ-
һинигэр «субурҕа» тылы хайдах өйдөөтүгүт? Хан-
нык суолтаҕа туттуллубутуй?

2. «Ахсаан чабырҕаҕы ааҕарга үөрэнэригэр оҕо өйө,
толкуйа, тыла сайдар, өссө ахсаан үөрэҕин төрү-
түн иҥэринэр» диэн этии төһө олохтооҕуй?

3. Сылгы ойуутун эбэтэр хаартыскаҕа түһэриини кө-
рөн олорон, «Сылгыны хоһуйуу» чабырҕах тыл-
ларын суолталарын ырытыҥ. Өйдөммөт тыллары
тылдьыт көмөтүнэн быһаарыҥ.

4. Таабырын чабырҕах ис хоһооно тугуй? Норуот
хайдах ыаллары күлүүгэ таһаарбытый?

Ааҕыы, сэһэргэһии

Сергей Афанасьевич Зверев—Кыыл Уола

Былыргы чабырҕах

Этэҕэ-тэтэҕэ,
Иэрэҥ-дьиэрэҥ,
Холкуй-илкий,
Кубулуҥ-дьибилиҥ,
Бадыа-бүдүө,
Балаҕана дархан,
Оонньуур баҕана,

15