Page 40 - Литература 5 кылаас 1 чааhа
P. 40
ОСТУОРУЙАЛАР
Остуоруйа диэнинэн норуот бэйэтин баҕатын,
эрэлин, олоҕун-дьаһаҕын туһунан этэр, кэрэхсээн
истиллэр дьикти-дьиибэ, фантастическай кэпсээн-
нэрэ ааттаналлар. Остуоруйа бүтүн аан дойду үр-
дүнэн бары омукка барыларыгар баар. Ону тэҥэ
сахаҕа эмиэ.
Үөрэхтээхтэр остуоруйалары ис номохторуттан,
кинилэр туттар ньымаларыттан көрөн наардыыллар:
бииринэн, хамсыыр харамай туһунан остуоруйалар-
га, иккиһинэн, дьиктилээх-дьиибэлээх остуоруйа-
ларга, үсүһүнэн, олох-дьаһах остуоруйаларыгар.
Ханнык да остуоруйаны көрдөххө, иһиттэххэ, бэрт
боростуой курдук гынан баран, ис номоҕо дириҥ
буолар. Ылан көрүөҕүҥ «Таал-таал эмээхсини». Тол-
куйдаан көрдөххө, ис хоһооно дириҥ. Бу остуору-
йатынан сахаҥ: «Бу аан дойдуга туохтан да күүс-
тээх киһи, туохтан да күндү киһи олоҕо», — диир.
Оттон «Биэс ынахтаах Бэйбэрикээн эмээхсиҥҥэ»
өлбөт үрдүк оптимизм баар. Бу остуоруйа — «ким
даҕаны, бэл тулаайах, соҕотох, кырдьаҕас мунчаа-
рыа суохтаах, ол эбит буоллаҕына, олох кэрэ, үчү-
гэй өттө үөскүү турар, туохтан да өлбөт, өрөгөйдүүр
эрэ үгэстээх», — диир. Ааҕан, санаан да көрдөххө,
хайдах курдук кэрэ остуоруйаный!
(Суорун Омоллоон)
АЙЫМНЬЫ ТҮҺҮЛГЭТЭ
«Чаачахаан уонна Алаа Моҥус», «Чөркөй икки Хаххан
икки» саха, «Ким өйдөөҕө» эбээн остуоруйаларын ааҕыҥ.
Сөбүлээбиккитин дьоҥҥутугар остуоруйалааҥ.
40
