Page 53 - Литература 5 кылаас 1 чааhа
P. 53
Биһиги киһибит —
Урукку өттүгэр
Оччону истибэтэх,
Оннугу көрбөтөх
Оҕо бухатыыр буолан,
Уолуйа түстэ,
Уотунан уһуурда,
Хахайдыы хаһыырда,
Эһэлии часкыйда.
Үөл тиити булгу тардан
Үөрэҕэс тоһутан
Өрө ууммутунан,
Айыы дьонун араҥаччылыыр санаанан,
Күн сирин көмүскүүр сыалынан,
Илин диэки сүүрэн,
Илиитэ эрчимирэн,
Тиҥилэҕэ тэтимирэн,
Лиһигирии турда…
Өр да,
Өтөр да гыммата
Анды Мөҥүрүөн оҕонньор
Алааһыгар тиийэн кэллэ.
Ханна даҕаны
Хайыһыы суох,
Дорообо, дыраастый — суох,
Бокуойа суох,
Булгунньах тэллэҕэр
Буһарыы буһарынан
Будуулана олорор
Адьарай уолугар
Супту хааман тиийэн,
Үөл мас сүлүгэһинэн
Өрө көтө түһэн баран
Өҥүс баска
53
