Page 82 - Литература 5 кылаас 1 чааhа
P. 82
Күлүктэммэтин!» — диэн,
«Айыы дьоно
Атаҕастамматын!» — диэн,
Алгыс этэн, андаҕар андаҕайан,
Күөх сибэкки дэйбиирдээх
Күн Күөгэлдьин Куону
Кэргэн ылан,
Кэнчээрини кэҥэтэн,
Киһи-сүөһү төрдө буолан,
Киҥкинээн олорбута эбитэ үһү!
Билиэн-көрүөн баҕалаахтарга
Бэйиэт С.С. Васильев—Борогонскай «Мөҥүрүүр Бө-
ҕөттөн» уонна «Айыы Дьураҕастайтан» ураты өссө хан-
нык олоҥхолору оҕолорго анаан суруйбутун билиҥ.
Кини олоҥхолорун кинигэлэрин, иллюстрацияларын
туһанан «С. С. Васильев—Борогонскай — олоҥхоһут-
суруйааччы» диэн презентацияны оҥоруҥ.
! Олоҥхо инники олугар киһиэхэ анал ааты иҥэ-
рии сиэрэ-туома көрдөрүллэр. Олоҥхо ыала оҕолорун
тоҕо бэйэлэрэ ааттаабакка, ойууну ыҥырбыттара, тоҕо
оҕолоро улааппыттарын эрэ кэннэ ааттаабыттара буо-
луой?
АЙЫМНЬЫ ТҮҺҮЛГЭТЭ
Эбэҥки «Ньуҥурмэк» олоҥхотун ааҕыҥ, ис хоһоонун,
саха олоҥхотуттан туох уратыны эбэтэр маарынныыры
билбиккитин кэпсэтиһиҥ.
82
