Page 18 - Литература 5 кылаас 2 чааhа
P. 18
Мин киһибин
СЕМ¨Н ПЕТРОВИЧ ДАНИЛОВ
(1917—1978)
Ааҕыы, ырытыы
Болҕойон хоһоонноохтук ааҕыҥ.
Олоҥхо оҕотобун
Итии хааннаах,
Эйэҕэс сүрэхтээх
Мин биир дойдулааҕым,
Мин үөлээннээҕим!
Билэҕин дуо, эн олоҥхо оҕото буоларгын,
Омуннаах олоҥхо оҕото буоларгын?!
Мин билэбин,
Мин бэркэ билэбин,
Эн сотоҥ суллаабыт тииттээҕэр намчытын,
Эн харыҥ хастаабыт тииттээҕэр дьарамайын.
Ол эрээри эн син биир
Омуннаах олоҥхо оҕотоҕун.
Эн омуна суох олоҕуҥ:
Эн олох иһин одьунаас охсуһууҥ,
Эн уруйдаах улуу оҥоһууҥ,
Эн уҕараабат сырдык ыра санааҥ,
Эн татыарыйбыт далай тапталыҥ,
Эн аана суох алдьархайыҥ даҕаны —
Барыта олоҥхоҕо маарынныыр,
Ол иһин, ол иһин, ол иһин
Эн —
Олоҥхо чобоо оҕотоҕун,
Олоҥхо омуна
Айбыт ыччатаҕын!
Ити сир аҥаара күүстээх
Дьулуруйар Ньургун Боотур обургу,
18
