Page 66 - Литература 5 кылаас 2 чааhа
P. 66
Үөрэр күннүү ылаара,
Мунчаарар тунал хаардыы.
Оччоҕо мин дууһабар,
Кыһыҥҥы дьыбар курдук,
Уордаах санаа уһуктар,
Уталыппат омуннук.
Таптыыбын Сахам сирин
Кыһыҥҥы тыйыс күнүн:
Күүстээҕи сөбүлүүрүн,
Күлүктээҕи сирэрин.
? Ыйытыылар уонна сорудахтар
1. Семён Данилов хоһоонугар А. С. Пушкин этии-
тин эпиграф оҥостубут. А. С. Пушкин этиитигэр
ханыылаһыах тыллары хоһоонтон булан бэлиэ-
тэниҥ.
2. Чэбдик дьыбар, кыһыҥҥы дьыбар, тыйыс күн
диэн тыллар киһи ханнык санаатын, иэйиитин
кытта ситимнэспиттэрий?
3. Хоһоон хайдах ааҕылларый? Ол тугу кытта си-
бээстээх буолуон сөбүй?
4. Ааҕарга биир тэтим баар дуо? Тоҕо?
УУС-УРАН ТЫЛ ЭЙГЭТИГЭР
Хоһоонунан этии биир бэлиэ уратытынан ритмэ
уонна рифмата буолар. Туох эмит биир тэҥ тэти-
минэн хатыланыыта ритм дэнэр. Холобур, сүрэх тэ-
биитэ, чаһы тыаһа, от охсор хамсаныы, о. д.а. Са-
халыы хоһоон ритмин тэҥ сүһүөхтээх устуруокалар
дьүөрэлэһиилэрэ үөскэтэр.
Холобур:
66
