Page 68 - Литература 5 кылаас 2 чааhа

Ааҕыы, сэһэргэһии

СЕМ¨Н АНДРЕЕВИЧ ПОПОВ—СЭМЭН ТУМАТ

Улуу кыыл тыына

Уон биэс хонуктаах улуу буур-
ҕа уурайан, туундара кэтит иэнэ
дьэ тыын ылла. Бу сүдү күүс
миккиэригэр бэриммэтэх Куба
Арыытын быһах угун саҕа бала-
ҕаныттан буруо синньигэс утаҕа
тыргыйан таҕыста.

Саба тибиллибит дьиэ күүлэ-
тин аанын хаһар тыас иһилин-
нэ. Сотору кэминэн халтаҥ ту-
гут сонун сымнаҕас сарыыттан
тэлиллибит быанан ыга тардыммыт, сороломмут
чомпой бэргэһэтин кэтэҕин диэки сэгэччи анньым-
мыт, сирэйин көлөһөнүн таба тыһа үтүлүгүн көх-
сүнэн ньухханан кэбиһэ-кэбиһэ, тириппит-хоруппут
дьахтар киһи тахсан кэллэ. Тулалыыр эйгэтин ах-
тыбыттыы, өрүтэ уһуутаан, салгыны түөһүн муҥунан
эҕирийдэ.
Улуу буурҕа кэнниттэн туундара иэнигэр туох
уларыйыы тахсыбыт эбитий диэбиттии, илиитинэн
чарапчыланан, олорор арыытын соҕуруу уһугун диэ-
ки одуулаата. Илин саҕахха күн сардаҥата кыта-
рымтыйбытын бэркэ диэн сэргии көрдө. Улахан
сонуну билбиттии үөрдэ. Уонна: «Күн. Уо, күн! Күн
барахсан!» — диэн уоһун иһигэр ботугураата. Ити
кэннэ хаар күүлэ иһигэр тимис гынан хаалла. Он-
тон эмиэ күөрэйэн кэллэ. Бу сырыыга биэдэрэлээх
ууну таһаарда. Хаар тибэн хомурахтыйан хаалбыт
бөх тоҕор күрдьүгүн манан этэ диэн сэрэйэринэн,

68