Page 63 - Литература 5 кылаас 2 чааhа
P. 63
Көмүһүкчээн ини мөһүүрэчээн,
Төгүрүкчээн ини көлүкэчээн,
Кыһыннардаах ини
кыраайдарбыт
Кыыдааннарын ини кыйдаата,
Кыталыкчаан ини кыылларбыт
Кыҥкыначчы ини ыллаата.
Көмүһүкчээн ини мөһүүрэчээн,
Төгүрүкчээн ини көлүкэчээн,
Халыҥныыра ини хаардарбыт
Хараараахтаан ини уулунна,
Халааннардаах ини ууларбыт
Халыһыйан ини уһунна.
Көмүһүкчээн ини мөһүүрэчээн,
Төгүрүкчээн ини көлүкэчээн,
Сирэмнэрдээх ини сирдэрбит
Сибэккинэн ини чэлгийдэ,
Сэбирдэхтээх ини киистэбит
Силигилээн ини киэркэйдэ.
Көмүһүкчээн ини мөһүүрэчээн,
Төгүрүкчээн ини көлүкэчээн,
Сардаҥалаах ини күннэрбит
Саһарҕатын ини күллэрдэ,
Саҥа, дьоллоох ини үйэбит
Саргыбытын ини үүннэрдэ.
Көмүһүкчээн ини мөһүүрэчээн,
Төгүрүкчээн ини көлүкэчээн,
Кылбачыгас ини долгуҥҥун
Кытыыларгар ини тиэрдээрий,
Кылыстыыра ини отторгун
Кырыылаахтыы ини бигээрий!
1938 с.
63
