Page 58 - Литература 5 кылаас 2 чааhа

Ийэ айылҕа уонна киһи

АЛЕКСЕЙ ЕЛИСЕЕВИЧ КУЛАКОВСКАЙ—
ӨКСӨКҮЛЭЭХ ӨЛӨКСӨЙ
(1877—1926)

Өлөксөй туспа ыал буолан
олорор убайа, Уйбаан, сөп-сөп
дьонугар кэлэн барааччы. Кини
күһүн ийэлээх аҕатыгар хоно
сытан:

— Өлөксөйү үөрэттэриэххэ
наада. Мин билигин илдьэ тах-
сыам уонна күһүн Чурапчыга
оскуолаҕа биэриэм, — диэбитэ.

— Төттөйү дуо? — диэн аҕа-
та соһуйан, хараҕын өрө көрбү-
тэ. Кини уолун үөрэттэрэр эрэ
санаата суох этэ.
— Ээх, Өлөксөйү.
Дэлиһиэй ити тылтан ньыхах гыммыта уонна,
саҥата суох, хатыҥ үөһэ чэйин сыпсырыйбахтаа-
быта.
— Ол үөрэнэн… туох туһата баарый?
— Туох диэн эттэҥий, оттон нэһилиэк суруксу-
та да буоллаҕына, куһаҕан үһү дуо? Ити аҕабыттар
даҕаны үөрэннэхтэринэ эрэ аҕабыт буолаллар дии.
— Биһиги оҕобут аҕабыт буолара ыраах ини.
— Чурапчы оскуолатын бүтэрдэҕинэ, куоракка кии-
рэн аҕабыт үөрэҕэр үөрэниэ буоллаҕа дии.
— Оччоҕо аҕабыт буолар дуо?
— Буолумуна.
Дэлиһиэйдээх аҕабыты таҥара илэ төрөппүт ки-
һитинэн көрөллөрө. Оттон кини оҕото үөрэннэҕинэ
аҕабыт буолуохтааҕын оччо-бачча итэҕэйбэтэҕэ.

58