Page 247 - Литература 8 кылаас 1 чааhа
P. 247
Өйдөө, болҕой
Уус-уран быһаарыы — эпитет, биридимиэт, көстүү өҥүн, дьүһүнүн,
бэлиэтин, хаачыстыбатын харахха көстөн кэлэрдии хоһуйар ойуулуур
тыл, уус-уран ньыма.
ЛИТЕРАТУРАЛАР АЛТЫҺЫЫЛАРА
Атын омук литературатыгар саха киһитин уобараһа. В.Г. Королен-
ко айымньыларыттан холобурдааҥ.
УУС-УРАН ТЫЛ ЭЙГЭТИГЭР
«Эрилик Эристиин өссө 1929 сылтан ыла Бурятия олоҕунан
интэриэһиргиирэ биллэр. Ол кини ити кэмтэн ыла «Бурят-мон-
гольская правда» хаһыаты сурунарыттан да көстөр.... Сэһэн бас-
такы аата «Бурят омук партизана» диэн эбит. Бу барыйаан бы-
һыытынан, Эрилик Эристиин сүрүн болҕомтотун бурят норуота
маҥнайгы империалистическай сэриигэ сыһыаныгар, Октябрь-
скай революция иннинээҕи событиеларга уурбут эбит».
Н.Н. Тобуруокап
Суруйааччы айымньы иккис барыйааныгар Мариса, Эрбантей,
Кэнтэй, Ахмет Галиев уонна Турахин тойон ынырык мөссүөнүн
өссө күүскэ көрдөрөр чахчылары киллэрбитэ. Сэһэн ис хоһоо-
нугар эмиэ уларыйыылар киирэллэр. Холобура, баайга-харчыга
ымсыыран Турахин тойон биир саамай кыраһыабай кыыһы мун-
на-уоһа тоҕута сытыйан түспүт баайга умса анньан биэрэр ыар
хартыыната бастакы барыйааҥҥа суох. Бу барыта айымньы уоба-
растаан көрдөрөр ньымаларын байытан, ис хоһоонун дириҥэтэн,
букатын саҥа айымньыны үөскэппит.
Уруок кэнниттэн
Олорор сиргитигэр баар түмэлгэ Гражданскай сэриигэ анаммыт
матырыйааллары көрүҥ. Сэбиэскэй былааһы олохтоспут биир дой-
дулаахтаргыт туһунан презентацията оҥоруҥ, аҕа саастаах дьонтон
кинилэр тустарынан интервьюта ылан ааттарын үйэтитиҥ.
247
