Page 45 - Литература 8 кылаас 1 чааhа
P. 45
УУС-УРАН ТЫЛ ЭЙГЭТИГЭР
1. «Мин сайыным», «Сайыҥҥы санаалар», «Сахабыт сирин са-
йына» диэн тиэмэлэртэн талан ылан өйтөн суруйуҥ.
2. Саха суруйааччыларын айымньыларыгар сайыны хоһуйуу-
ларыттан талаҥҥыт хоһоонноохтук ааҕарга бэлэмнэниҥ.
3. Поэматтан эпитеттэри, параллелизмы, метафоралары булан
бэлиэтээҥ уонна суруйааччы айар истиилин быһаарарга хо-
лонуҥ.
АЙАР, АЙЫМНЬЫЛААХ ҮЛЭ
Сайыны көрсүү сиэрин-туомун туһунан кэпсэтиҥ уонна биири
талаҥҥыт бөлөҕүнэн оонньоон көрдөрүҥ:
— салама ыйааһына;
— ыһыах алгыһа;
— күнү көрсүү.
Бу үлэҕитигэр Афанасий Фёдоров 2011 с. тахсыбыт «Өбүгэ сиэ-
рэ-туома» кинигэтин туһаныҥ.
Тэҥнээн көрүү
Поэма атын чаастарын булан ааҕыҥ, ырытыһыҥ. Ханнык түһүмэ-
ҕин ордук сэргээтигит? Тоҕо? Толкуйдуурга маннык ыйытыыларынан
салайтарыаххытын сөп:
— поэма тоҕо «Ыһыах» диэн чааһынан түмүктэннэ;
— сайыны көрсөр өссө ханнык түһүмэҕи эбэн суруйуоххут этэй;
— сайын туһунан норуот ырыаларыттан, хоһоонноруттан, олоҥхот-
тон быһа тардыыны булан ааҕыҥ, тэҥнээн көрүҥ, иһитиннэрии оҥо-
рорго бэлэмнэниҥ.
Анаан дьүүллэһии
Саха сирин хаартатыгар Сэйимчээни булан көрүҥ, сырыы-
суол, көлө сайда илик сүүрбэһис үйэ саҕаланыытыгар (атынан,
табанан эрэ сылдьаллара) А.Е. Кулаковскай—Өксөкүлээх Өлөк-
сөй хайдахтаах курдук ыраах сиринэн тэлэһийэ сылдьыбытын
санааҥ, кэпсэтиҥ.
45
