Page 46 - Литература 8 кылаас 1 чааhа
P. 46
Ааҕыы, сэһэргэһии
Кэрэни, үүнүүнү, сайдыыны, сыыһа суох сырдыгы, кыырпаҕа
суох ырааһы кими, тугу кытта ситимниибит? Олоҕу киэргэтэр
улуу күүс, тулалаан турар эйгэбит кэрэ туонатыгар дьүөрэ-
лээх, норуот үйэлэргэ үҥэр таҥара оҥостубут, алаһа дьиэни
иччилиир, төрөтөр оҕону төлкөлүүр кырасыабай кыыс оҕо —
Өксөкүлээх Өлөксөй поэзиятын кыаҕа, өлбөт-сүппэт тыыннаах
уобараһа.
Кырасыабай кыыс
(Кылгатыллыбыта)
Алайаана лаглардыырбын
Алтан-чуораан айахпынан
Айааран аҕыннахпына,
Амньыраабыт санаам аральльыйар;
Күөкэрдиирэ күлүмүрдүүрбүн
Көмүс күөҕү күөмэйбинэн
Күр-мар туойдахпына,
Күлькэдийбит санаам көччүйэр;
Сандаарыйа алардыырбын
Салгын ырыабынан
Салайан саҥардахпына,
Саппаҕырбыт санаам саатыыр.
Илин өттүгэр киирэн
Икки даҕаны чааска
Илии сыҕарыйбакка
Истиҥнээн көрбүтүм иһин
Эттиин-хаанныын бэйэтиттэн
Итэҕэһи-эҥкили булбаппын
Эйэҕэстэй ньэҥкэрдиирбиттэн.
Ойоҕос өттүгэр олорон
Уон даҕаны чааска
Уллуҥах уларыйбакка
Одуулаабытым иннигэр
Уҥуохтуун бэйэтиттэн
Уйулу-омнуону булбаппын
Уранныыра куллустуурбуттан.
Арҕас өттүгэр киирэн
46
