Page 51 - Литература 8 кылаас 1 чааhа

Бэрдимсийэ сытаабытын иһин,
Бэртээхэйдиир үчүгэйин
Биэс кыммыт биирдэрин
Мэтириэтигэр бэлиэтээн
Ылыа суох эбит.
Улуу олоҥхоһут-ырыаһыт,
Улуутуйа-улуутуйа,
Уустуктаан-ураннаан
Уоһунан оҥоро сытаабытын иһин,
Ураты үчүгэйин
Уон кыммыт биирдэрин
Онолуйан туойуо суох эбит.

Үс дойду үрдүнэн
Өйдөөҕүнэн аатырбыт
Үөрэхтээх үтүөтэ,
Өйдөөҕүмсүйэ-өйдөөҕүмсүйэ,
Үтүктэ-үөрэтэ сытаабытын иһин,
Үтүөтүн-үчүгэйин
Үс кыммыт биирдэрин
Өйгө түһэрэн биэриэ суох эбит.
Бэккиһэтиэн мэктиэтигэр,
Тупсуон уоругар,
Наардыан наадатыгар
Эр дьон эҥин бэттэрин
Эппэт кэлэҕэй кынар
Элбэх эргитиилээх мэйиилээх,
Үөрэхтээх-өйдөөх бэттэрин
Үлүк-балык туотар
Үгүс үрэллэҕэс өйдөөх,
Саха омук саамай бэттэрин
Саҥата суох ыытар
Сайаҕас-сайдам санаалаах;
Устар ууну сомоҕолуур
Улахан уус-уран тыллаах,
Ыллыбыт суолу ыпсарар
Ыллыктаах ыраас тыллаах,
Арааттаммыт санааны самсыыр
Алыптаах айахтаах.
Кыыһырар диэни кыайбат,
Этиһэр диэни билбэт,
Куһаҕан диэни булбат.
Майгылаах бастыҥа,

51