Page 185 - Литература 8 кылаас 2 чааhа
P. 185
«Сөтүөлүүр куйаас, ыраас чараҥ, тэбэнэттээх лыахтар, күн эйэҕэс
сарыала» диэн тыл ситимнэрин аахтаххытына, ханнык эгэлгэ көстүү,
санааҕытыгар субу баар курдук, ойууланарый? Кылгастык өйтөн су-
руйуҥ, айымньыгытын ааттааҥ.
Тэҥнээн көрүү
Бэйиэт туһунан иһитиннэрии былаанын оҥоруҥ. Былааҥҥытыгар
олоҕураҥҥыт Варвара Потапова лирикатын анаарыҥ, жанр өттүнэн
уратытын, уус-уран кэрэхсэбилин ырытыҥ. Түмүгүн дакылаат оҥорон,
араас таһымнаах кэмпириэнсийэҕэ кыттыаххытын сөп.
Билиэн-көрүөн баҕалаахтарга
«Варвара Потапова дьонугар-сэргэтигэр, норуотугар аныгы саха
дьахтара ис дууһатын поэзия нөҥүө аһар кыахтааҕын көрдөрбүтэ,
хомуһуннаах тылын-өһүн иһитиннэрбитэ, суолу аспыта, бэйэтин ба-
тыһарга кыаҕы биэрбитэ. Кини олоҕун, поэзиятын суолтата итиннэ
дии саныыбын».
Наталья Харалампьева
«Варвара Потапова бэйэтэ туспа образнай систиэмэлээх, буочар-
даах поэтесса этэ. Варвара Потапова поэзията событиены эрэ ойуу-
лааһын дуу, эридьиэстээһин дуу буолбатах. Кини мыслитель, чинчи-
йээччи, төлкөлөөччү, өссө А.И. Герцен эппитинии, «бэйэтин кэмин
ыарыыта», төрөөбүт дойдутун үлэһит дьонун дьолун иһин охсуһааччы-
та этэ».
Б.Н. Попов
«...Саха дьахтарын поэзия тылынан аан маҥнай кини саҥардыбы-
та, нуучча дьахтарын Анна Ахматова курдук:
«Я научила женщин говорить,
«но, Боже, как их замолчать заставить!» —
Потапова кэнниттэн саха поэтессалара үргэл буолан умайбыттара,
тыыннара аһыллыбыта, куоластара тахсыбыта».
Н.Н. Павлов—Халан
185
