Page 183 - Литература 8 кылаас 2 чааhа
P. 183
Сырдык санаа батаспынан
Дьоло суохтары харыстаһыахпын,
Таптыыр сахам тылынан
Тааһырбыт сүрэҕи сымнатыахпын.
Билигин да
Билиммэппин —
Бары баҕаларым
Баранан, бүтэйэ уолуохтарын,
Сиик, туман курдук, ыраларым
Симэлийэ сүтэн хаалыахтарын...
Анаан дьүүллэһии
1. Ураты буолуу диэни хайдах өйдүүгүтүй, эһиги санааҕыты-
гар, ураты киһи олоххо миэстэтин таба тайанара буолуо дуо?
2. Бу түһүмэххэ киирбит атын бэйиэттэр хоһоонноруттан Вар-
вара Потапова хоһоонноро уратылаахтар дуо? Ааптар суру-
йар иэйиилэрин өйдүү сатааҥ. Ханнык кэрчиги өйгө үөрэ-
тэргэ талыаххыт этэй уонна тоҕо?
Тыыннаах тыл
· «Уустук олох», «сырдык санаа батаспынан», «тааһырбыт сүрэх»,
«сиик, туман курдук, ыраларым» диэн бэйиэт этиилэрин хайдах
өйдүүгүтүй? Быһааран суруйуҥ.
· Хоһоон дириҥ философскай ис номоҕун сөптөөхтүк тиэрдэргэ
интэнээссийэ улахан суолталааҕын умнумаҥ. Тиэкискэ лири-
ческэй дьоруой ис туругун, санаатын утаҕын арыйар тыллары,
строфалары бэлиэтэниҥ. Бэйиэт дьайыыларын төрүөтүн де-
фис көмөтүнэн бэлиэтииригэр болҕомтоҕутун ууруҥ.
Өйдөө, болҕой
Стиль диэн суруйааччы айар уратытын көстүүтэ.
Метафора диэн холуйуу, холооһун — тугу эмэ туохха эмэ холуйан
этии, биир сүрүн поэтическай троп. Тылы тустаах суолтатыгар буол-
бакка, атыны холуйууга «көһөрөн» туттуу, биир биридимиэти атын
маарынныырынан солбуйан, кубулдьутан, холуйан этии.
183
