Page 181 - Литература 8 кылаас 2 чааhа
P. 181
Уруок кэнниттэн
Төрөппүттэргитин кытта хомус түмэлигэр экскурсията тэри-
йиҥ. Тугу ордук сэҥээрбиккитин доҕотторгутугар кэпсииргэ бэ-
лэмнэниҥ.
Өйдөө, болҕой
Тэҥнэбил диэн икки маарынныыр биридимиэти тэҥнээн көрүүгэ
олоҕурбут уобарастаан этии. Курдук, кэриэтэ, дылы диэн көмө тыл-
ларынан (дьөһүөллэринэн) доҕуһуолланар.
Билиэн-көрүөн баҕалаахтарга
«...Хаар маҕан баттахтаах толуу көрүҥнээх тоҥ нуучча Борис Ми-
халёв хатыҥ иннигэр чөҥөчөккө олорон уу сахалыы «Сахам сирэ ба-
рахсаны» ыллаан ньиргиттэ. Бүтэһик күпүлүөккэ саала сүһүөҕэр кө-
төҕүллэн турда. Сураһан истибитим, Борис Михалёв «Сахам сирэ
барахсаны» 34 сыл устата ыллаабыт эбит. Бу эмиэ ураты, саха кут-
таах барыта сэргиир, ытыктыыр түгэнэ буолар».
Иван Николаев—Уххан
«1961—1981 сыллар усталарыгар Саха тыйаатырыгар талааннаах
бэйиэт-драматург Иван Гоголев уонна тыйаатыр саҥа эдэр режис-
сёра Федот Потапов айар талааннарын алтыһыыларын кэмэ кэлбитэ.
Бу И. Гоголев «Кыталыктар кырдаллара» диэн остуоруйа-пьесатыттан
саҕаламмыта. Ф. Потапов ити пьесаны «бэйиэт киһи саҥа холонуута
диэтэххэ олус үчүгэй…» диэн уруйдуу, үөрэ көрсүбүтэ. Бэйэтэ эмиэ
И. Гоголев либреттотынан «Хотугу сибэкки» диэн бастакы опереттаны
туруорбута. Итинтэн ыла драматурдаах режиссёр ыкса бииргэ үлэ-
лээһиннэрин саҥалыы көрүҥэ саҕаламмыта».
Иннокентий Дмитриев—Сиэн Чолбодук
И.М. Гоголев–Кындыл поэзиятыгар Ийэ айылҕабыт кэрэтэ, эҥин-
эгэлгэ көстүүтэ харахха субу көстөн кэлэр гына хоһуйуллар. Сахабыт
сирин хорук тымырынан ааттанар Өлүөнэ өрүспүтүгэр кини элбэх
айымньытын анаабыта.
Иван Гоголев–Кындыл улугу уһугуннарар, нэһи сэргэхситэр айым-
ньыларын туһунан быысталы билбэккэ сэһэргии, кэпсии туруохха сөп.
181
