Page 133 - Литература 9 кылаас 1 чааһа

Сорох күлэр, сорох ытыыр, сорох төрүүр, сорох оонньуур-кө-
рүлүүр… Дьааһык киэһэ!

Х а м н а ч ч ы т. Барда!.. Хаарыан тойонум. (Ытыыр.)
Б а һ ы м н ь ы (улаханнык). Бар-да! (Күлэр.)

Быыс.

Быыс түспүтүн кэннэ ытаһыы иһиллэр.

? Ыйытыылар уонна сорудахтар

1. Болтоһо ырыатын ыччат ыллыыр. Тоҕо? Манан суруйааччы
тугу этэр дии саныыгыт?

2. Уйбаан монологар «… уруккунан-хойуккунан, баҕар, сата-
ныа суоҕа. Кэбис, сүрэ бэрт» диэн туохтан дьаархана са-
ныырый?

3. Киһи олоҕу бэйэтэ таптыырынан оҥоруон сөп дуу эбэтэр
анал, ыйаах быһаарар дуу, кэпсэтиһиҥ.

4. Уйбаан дьолунааҕар соро улаатта. Тоҕо?
5. Уйбаан өлөр күнүгэр, бэйэтэ этэринии, баайа тугу эмэ туһа-

лаата дуо?
6. Суруйааччы бүтэһик төгүлгэ Доропууну уонна Болтоһону

Уйбааҥҥа тоҕо көрдөһүннэрэ аҕалла? Олох олорон бүтэн эрэ-
рин билэр эрээри, тиэрэ кэмэлдьитин тоҕо уларыппатый?
«Ити киһи миигиннээҕэр быдан дьоллоох», «ыраах ордук»
диэн быстар дьадаҥы дьоҥҥо ымсыырар. Маны хайдах өй-
дүөххэ сөбүй?
7. Дьэкиим уонна Уйбаан тиһэх кэпсэтиилэрэ. Дьэкиим тылын-
өһүн болҕойуҥ. «Уута суох көмүһү буорга да бырахтахха
дьэбиннийбэт», «Эйигин өлөрөн илиибин да хараардыахпын
кэрэйэбин, ону иһит!» диэн этиилэр туох ис номохтоохто-
руй?
8. Уйбаан «Аан дойду үрдүгэр икки атахтаах оҥорбута бил-
либэккэ, иһиллибэккэ, иэстэбилэ суох хаалбат дииллэрэ
ити эбит буоллаҕа…» диэн этэрэ олохтоох дуо?
9. Аҕалаах кыыс кылгас түгэҥҥэ өйдөрө-санаалара биирэ өлүү-
гэ, иккиһэ дьолго тардыһар. Суруйааччы итинэн тугу этэ-
рий?
10. Уйбаан тиһэх тыыныгар эрэ үтүөҕэ, сырдыкка, кырдьыкка

дьулуһар. Тоҕо?
11. Суруйааччы драматын тоҕо «Абааһыларга биир абааһы ор-

дук буолла», «Ытыыр икки күлэр икки аҕас-балыс буо-
лар…» диэн этиилэринэн түмүктүүрүй?

133