Page 168 - Литература 9 кылаас 2 чааһа

тын кытары ардыбыт атан иһэр. Ол да иһин маннык биирдэ
эмит таҕыстахпытына үөрэн-көтөн биэрэбит.

Иккиэн ах баран, кулгаах чуҥкунуур уу чуумпутун иһиллии
турбахтаатылар.

Үчүгэй баҕайы!
Бөөтүс үтэһэлээх этин өтөр-өтөр эргитэн биэрэр, ол аайы
сыа сырдьыгыныы тохтор. Уйбаан мөһөөччүгүн хасыһан арыы-
лаах килиэп, алаадьы, халбаһы, сымыыт таһааран, суол-суол
уокка кэбиһэр.
— Эһэкээммит аһаа. Аал уоппутунан, эйигинэн айахтаан сир-
бит-дойдубут иччилэрин бука барыгытын, айах тутан аһаттах-
пыт буоллун!..
Уот иччитэ Хатан Тэмиэрийэ ол аайы үөрэн күлүбүрэтэр,
үҥкүүлээн эрэрдии кып-кыһыл баттаҕа, бытыга сахсайа ойор,
күлэн чачыгырыыр, таһыргыыр.
Айанньыттар үтэһэлэрин тутан, чэйдэрин тобоҕун илдьэ
массыыналарыгар аһыы киирдилэр. Ол сэптэрэ эмиэ буруо-
нан сөтөллүмэхтээт, бирдьигинии түстэ.
— Миигинньик киһи кыайан сиэбэт аһа эбит, — диэтэ Уй-
баан, тимир үтэһэттэн биир эти тииһинэн сыыйа тардан ылан,
ыстыы сатаан баран. — Кырдьаҕас атыыр сылгы этэ түбэспит.
— Билэриҥ бэрт дии. Биһиги толуоммутугар туох этин биэ-
рэллэрин сатаан быһаарбат дьоммут.
— Маннык эти былыргылыы сүүрүҥүй гыннахха үчүгэй. Эн
алыс өр туппуккун.
— Нэмин билбэтэхпин. Ол да буоллар, дьэ, минньигэһэ
дьикти!
— Кытаат, чэгиэн киһи аһаан ис. Хата, бу чэй үчүгэйиэн, —
диэтэ Уйбаан, итии чэйдээх куруусканы икки ытыһынан суулуу
тутан сыпсырыйбахтыы олорон.
— Бэйи эрэ, Уйбаан, ити маарыын тайахпытын тоҕо итии-
тинэ суоллаабатыбыт?
— Үчүгэйдэппит кыыл соччо ырааппакка турар эбэтэр сы-
тар баҕайы. Оччоҕо устунан көһүйэн хаалар. Ол иһин. Оттон
итиитигэр эккирэтэриҥ тухары бара турааччы.
— Ээ, оннук эбит дии. Эн бу дойдуну билэҕин дуо?
— Билэн… Бу олорон, били маарыын туораабыт үрэхпи-
тинэн сыаллаан, дьэ, биллим. Сир-дойду уларыйар да эбит.
— Туох диэн сирий?
— Аргыый… — диэтэ Уйбаан уонна куолаһын намтатан, ор-
гууй салгыы саҥарда. — Бу Орто Сурт диэн алаас, былыргы
айан суолун биир бэлиэ сирэ. Сиидэр оҕонньор уонна Даа-

168