Page 88 - Литература 9 кылаас 2 чааһа

3. Бэйиэт хоһоонугар тус бэйэтин санаатын чопчулууругар
ханнык уус-уран ньымалары туттубутун ырытыһыҥ.

Тыыннаах тыл

«Мин оҕолорум —
Мин хоһооннорум,
Арыт маҥан холорук буолан,
Арыт үрүҥ кыталык буолан
Алаас дьонугар санатыҥ
Манчаары
Маҥан
атын»

диэн хоһоон бүтэһик строфаларын болҕойон аах, лирическэй
дьоруой ыратын ис хоһоонун хайдах өйдөөбүккүн кэпсээ.
«Манчаары маҥан ата» уонна «алаас дьоно» диэн өйдөбүл-
лэр суруйааччыга уонна саха ааҕааччытыгар тугунан чугас-
тарын анааран көрөн кэпсэтиигэ кыттыс.
Айымньыны хоһоонноохтук өйтөн аах.

Саха быһаҕа

Киэргэл диэни билиммэтэх,
Көмүстэригэр тиксибэтэх,
Хатыҥ, удьурҕай уктаах,
Кунан кутуруга кыыннаах,
Хоодуот саханы санатар,
Хатарыыта модьу-таҕа —
Сахам сытыы быһыччата,
Сахам укулаат быһаҕа.

Аал уоту тигинэтээри,
Кыспа кыһан тууспаннатар,
Алаһа дьиэни сырдатаары,
Тымтык тыыран дьырылатар,
Тайах сүлэр, киис таҥастыыр —
Бары үлэҕэ хапсаҕай
Саха сытыы быһыччата,
Саталлаах, мындыр быһаҕа.

Ойуу нарын тылынан
Оҕо биһигин ыллатар,
Уон араас мындыр дьарҕаалаан

88