Page 54 - Литература 10 кылаас 1 чааhа

Этэ-куҥа
Эриэн үөн буолан
Түллэҥнии-түллэҥнии
Түһэ турар эбит…
Үргэл тойон кыыһа
Үс салаалаах үөрбэнэн
Нохтолоох тойон болуо сүрэҕин
Тоҕус ойоҕоһун быыһынан
Тобулу аспытыгар —
Тыһы тыймыыт
Чыыбыгыраабытынан ыстанна…
Сулус тойон кыыһа
Сулус атаранан
Супту анньан
Тыһы тыймыыты,
Чыбыгыраппытынан ылан,
Тоҕус тууспан кутааҕа
Тобулу бырахта…
Араҕас сулус кыыһа
Алгыс алҕаан
Кыыс оҕо
Кырыытынай-Тыкаарай
Алтан уҥуоҕун
Араҥаска уурда,
Ый хотун кыыһа
Ыйбалдьын удаҕан
Ытыһынан имэрийэ-имэрийэ
Арчы арчылаата,
Алып алҕаата,
Күн тойон кыыһа
Күөгэлдьин удаҕан
Кырыытынай-Тыкаарай
Кыыс Ньургуҥҥа
Айаҕын устун
Араҕас илгэни кутта,
Үрүҥ көмүс уҥуохтарын
Үрүҥ илгэнэн ибиирдэ:
Быстыбыты салгыыр,
Былаҕайы ыраастыыр,
Өлбүтү өрүһүйэр
Өлбөт мөҥө уутунан
Сүүһүн соппута,

54