Page 56 - Литература 10 кылаас 1 чааhа

Таас наҥнал таҥарам — намыһах таас таҥара.
Тойон кынныһах — уолга кэргэн ылбыт кыыһын аҕата.
Алтан араҕас туоналарыгар — көмүс дойдуларыгар.

АНААН ДЬҮҮЛЛЭҺИИ

1. Олоҥхо киириитигэр этиллэр санааны салгыы сайыннаран
кэпсэтиһиҥ.
П. А. Ойуунускай «Дьулуруйар Ньургун Боотур» олоҥхо­
ту­гар аан дойду айыллыытын ойуулааһына ураты дириҥ
ис хоһоонноох, аҥаардас бу олукка да тирэҕирэн, саха ому-
га үйэлэрт­ эн үйэлэргэ бэриллэн кэлбит бөлүһүөктүүр өйө-
санаата олус мындырын, аан дойдуну анааран көрүүтэ
киэҥ далааһыннааҕ­ын итэҕэйиэххэ сөп.

2. Орто дойду олоҕун булларыы туһунан олукка саха мифоло­
гиятын кытта сибээстээх өйдөбүллэри булан наардааҥ.

3. Орто уонна Аллараа дойдулар олохтоохторун атааннаһыы­
ларын дьиҥнээх төрүөтүн дьүүллэһиҥ.

4. Ньургун Боотур уонна Тимир Дьигистэй охсуһууларыттан
Аллараа дойду эмсэҕэлээһинин ойуулааһын уонна Дьылҕа
Тойон уурааҕын тиэрдээччи дьөһөлдьүттэр кэлиилэрин кэп­
сиир түһүмэхтэргэ тирэҕирэн, олоҥхоҕо аан дойдуга суо­
һуур иэдээннэр (катаклизм) хайдах быһаарыллар суолла­
рын толкуйдааҥ, мөккүөргэ кыттыҥ.

5. Ньургун Боотур Туйаарыма Куону, Күн Дьирибинэни Уот
Уһутаакы хаайыытыттан босхолооһунун туһунан кэпсиир
олукка айыы бухатыырын ханнык тутаах өрүттэрэ арыл­
ларый?

6. Кыыс Ньургун бухатыыры киһититии түһүмэҕэ олоҥхо сү­
рүн идиэйэтигэр сыһыанын быһаарарга холонуҥ.

ЛИТЕРАТУРА ТҮӨРҮЙЭТЭ

«Суруйааччы олоҥхоһут буолуон сөп дуо?» диэн мөккүөрдээх ыйы­
тыы баар буолуон сөп. Ханна даҕаны айылҕаттан бэрдэриилээх, тыл
баайдаах киһи айар дьоҕурун халыыпка хаайбат, айар үлэ араас
көрүҥнэригэр холонон иһэр буоллаҕына, талаана тахсар. Ол курдук
оҕо эрдэхтэриттэн норуот уус-уран айымньытын эйгэтигэр иитиллэн
тахсыбыт саха бастыҥ суруйааччылара олоҥхоһут буолбуттара аҕы-­
йаҕ­ а суох. П. А. Ойуунускай, С. С. Яковлев‑Эрилик Эристиин, В. М. Но-
виков‑Күннүк Уурастыырап, С. С. Васильев-Борогонскай дьоҥҥо-
сэр­гэҕэ биллибит, улаханнык кэрэхсэнэр олоҥхоһуттар этилэр.

Суруйааччы олоҥхото диэн өйдөбүл баар. П. А. Ойуунускай «Дьу-

56