Page 52 - Литература 10 кылаас 1 чааhа

Ыраах дойдуттан
Ырыалаах ох курдук,
Быдан дойдуттан
Быыра ох курдук
Айаннаан кэлэммин
Алларыйдым быһыылаах,
Орулуур отут хонугу мэлдьи
Охсуһан көрдүм даа —
Уот Уһутаакы обургу
Уйадыйбытын билбэтим,
Үрүт күүһэ
Үгдэрийбитин көрбөтүм…
Хол дойдуттан
Холоонноохпор түбэстим,
Тэгил дойдуттан
Тэҥнээхпин көрүстүм,
Иккиттэн биирдэспит
Ииннэнэ илигинэ
Арахсыспат аллаахтар
Аалыстахпыт буолуо…

Тылбытын байытабыт

Оҕуй бараан ордуута — олорор сирэ-дойдута.
Хандалы — (нууч. кандалы), хаайыылаахха куоппатын диэн
илиит­ игэр, атаҕар кэтэрдиллэр тимир.
Хаан дьааһын хаппахчы — манна: абааһы бухатыырын дьиэти-
гэр хаайар сирэ.
Көҕүс түһэммит — санааҕа ыллараммыт.
Иэһэр-туоһар этибит — эрэйбитин этинэр этибит.
Күннэрэ туллан, күһэҥэлэрэ быстан — манна: быста иэдэ­йэн,
өлөргө тиийэн.
Быыра ох курдук — дьөлө көтөр ох курдук.
Алларыйдым — сылайдым, күүһүм эһиннэ.
Үгдэрийбитин — мөлтөөбүтүн.

7 . Кыыс Ньургуну
абааһы майгытыттан
араарыы, киһититии

Улуу Кыыл
Умса охсуллан,
Аҕыс дьааҥы
Арҕаһын үрдүгэр

52