Page 48 - Литература 10 кылаас 1 чааhа
P. 48
Ол иһин
Айыы хаан аймаҕа
Алдьанар быатыгар
Айыллыбыт эбит буоллахпыт,
Урааҥхай саха бииһэ
Урусхалланар быатыгар
Үөскээбит эбит буоллахпыт, —
Үрүҥ күн сырдыгын,
Аан ийэ дайдыбыт
Араҕас далбарын
Ама аны кэлэн
Көрүөхпүт дуо диэн
Көҕүс түһэммит
Иккиэйэх бэйэбит
Иэһэр-туоһар этибит…
Билигин буоллаҕына,
Билбэтэхпитин билэн,
Көрбөтөхпүтүн көрөн,
Көхсүбүт кэҥээн,
Үөрэн-көтөн
Үрдүк ааккар,
Үтүө сураххар
Үҥэн-сүктэн эрэбит…
Аҕыс уон аҕыс
Ааһар албастаах
Адьарай аймаҕын
Аҥаарыйар ааттааҕа,
Тоҕус уон тоҕус
Куотар кубулҕаттаах
Илиэһэй бииһин
Илэ бэрдэ
Сүгүн-саҕын
Сүнньүн үүттэппэт
Сүдү киһи буолуоҕа,
Бука барыбыт
Буулаҕа моонньун
Мускуйарбыт буоллар,
Саба түһэн
Сараһын дьайын
Сахсыйарбыт буоллар
Торҕон уодьугана
Тутуллуо эбитэ дуу?!!!
48
