Page 43 - Литература 10 кылаас 1 чааhа
P. 43
Тордохтоох туос иһиттии
Тоҕута барыах курдук
Туллас гына түстүлэр…
Ыксаатылар быһыылаах,
Ыһыкта сыстылар,
Саҥа аллайан
Сатара түстүлэр…
Тылбытын байытабыт
Буулаҕаларын булларбат — күүстэринэн, охсуһууларынан бап-
патах.
Ситии саҕа — сылгы сиэлинэн хатыллыбыт синньигэс быа.
Үрүҥ көмүс үөрэҕэстээх — үрүҥ көмүс ураҕас курдук тэрил.
Дьөһөлдьүттэр — илдьиккэ сылдьааччылар.
Отут болгуо чээрэтинэн — тимирдээх тааһы уһааран оҥорбут.
6 . Ньургун Боотур Туйаарыма Куону,
Күн Дьирибинэни босхолооһуна
Орто дойду улуу дуолана
Оччону истэн баран
Туруо баара дуо, —
Хабарҕа кэрдииһин курдук
Хаан дьэрэлик кирилиэс устун
Лаһыр-лаһыр хааман
Таҥнары түһэн барда,
Ол иһэн
Ол-бу диэки
Одуулаан көрбүтэ —
Холорук ытыйбытын курдук
Хотоол-итээл киэҥ уорук,
Силлиэ сиксийбитин курдук
Сиэрэ суох киэҥ-куоҥ
Хара барык дьиэ иһэ
Халыдыйан көһүннэ…
Отут уораҕайдаах
Оҕуй бараан ордуу
Киэҥ дьайаан
Килэдийэр киинигэр
Суорба таас хайаны
Суостуганнаах буоллун диэн
Суоран аҕалан
43
