Page 136 - Литература 10 кылаас 2 чааhа

С а т а р а а л киирэр.
С а т а р а а л. Тойон, луохтуур бырыйыахал. Киллэрэбин
дуо?
У о л а к а. Киллэр.
Сатараал (ааны аһа-аһа). Баһаалыста, бырахадьыы,
луох туур! (Тахсар.)
М ө к ү ө й э киирэр.
М ө к ү ө й э. Атыыһыт тойонум, дорообо! Тоҕо ыҥыртар-
дыҥ, көрөрүҥ ыарыйда дуо?
У о л а к а. Ээ, ыарыйда, хайдах эрэ көһүөккээтэ. Хайа,
салыы түһүөҥ буолаарай?
М ө к ү ө й э. Салаамына. Салаан-салаан Мөкүөйэ аатыр-
даҕым дии. Атыыһыт хараҕын салыыр диэн ас буоллаҕа дии.
У о л а к а. Соннук. Ол гынан баран, бэйэ эрэ, аны сүүстээ-
ҕи аһаан, эмэн кэлбит тылгынан салаан, дьэ, эбии мэлитээ-
йэҕин. Харахха сүүс кутталлаах буолуо суоҕа дуо?
М ө к ү ө й э. Бу эттэххин көр, сүүс күтүр куттала суоҕа
диэн кэлиэ дуо. Ону мин, бастаан ыт хараҕын салаан көрөн,
онон билбитим. Сороҕор ыты хараҕын соҕотохто сабар сүүс
эмиэ түбэһэр буолара.
У о л а к а. Түбэһэр буолара диигин дуу?
М о к ү ө й э. Түбэһэн, түбэһэн…
У о л а к а. Оттон киһиэхэ ол сүүс хайыай?..
М ө к ү ө й э. Тыый да, өссө абааһы буоллаҕа дии. Хайа,
киһи барахсан, айыы оҕото, ыттааҕар кэбирэҕэ турдаҕа дии…
У о л а к а. Оттон бэйэҥ тылгын тоҕо сиэбэт?
М ө к ү ө й э. Ама, доҕор, бэйэм тылбын тоҕо сиэтиэмий —
туос араҥатын, эбэтэр куолай сарыытын тылбар тутар буол-
лаҕым дии, тоҕо сиэҕэй…
У о л а к а. Сөөп. Чэ, буоллаҕа… Истэҕин дуо, эмээхсиэн,
эн миэхэ биир киһи хараҕын, ол ыты салыырыҥ курдук, салаан
биэриэҥ этэ дуо?
М ө к ү ө й э (өмүрэр). Тыый, күтүр! Мөкү күтүр диибин
даҕаны… Тыый, тукаам, ол туох буоллаҥый, аньыы даҕаны?
Мин киһини үтүөрдэр баҕалаахпын, куһаҕаҥҥа тиэрдэр баҕам
суох ээ, бу да буолларбын…
У о л а к а. Чэ, кэбис, бу аан дойдуну эн биһикки дэхси-
лиэхпит суоҕа. Ону эн миэхэ босхо оҥоруоҥ дуо, манньаҕа
оҥоруоҥ этэ буоллаҕа дии. Биэрэ түһүөм этэ.
М ө к ү ө й э. Биэрэ түһүөм этэ диигин дуу?
У о л а к а. Биэрэ түһүөм.

136