Page 139 - Литература 10 кылаас 2 чааhа

солко былаат наадата суох, ону хаһан ситэн таҥнаары. (Сөтөл-
лөр.)
С а й с а р ы. Кэбис, тоойуом, инньэ диэмэ… Хата, бу то-
боҕун (сиэбин хастар) ситэри биэрэн кэбиһиэх.
Н ь у р г у у. Чэ, бэйэҥ бил, баҕар, биэр даҕаны. Били
Кэчиик кыыска ырбаахы таҥаһа ылыа этибит.
С а й с а р ы. Ээ, сөп, сөп, кырдьык, эрэйдээххэ ылыахха.
(Уолакаҕа биэрэ-биэрэ.) Тукаам, мэ, маны ситэри ыйаа.
У о л а к а. Хор, доҕор, дьэ, бу үчүгэй. Мин уона туолбата
диэн, мунчаара олоортум. Дьэ, бу аата бэрт!.. Оруобуна, оруо-
буна 11 солуотунньугу тарта. Дьэ мантыкаҕар тугу ылаҕын,
ийэкээ?
С а й с а р ы. Чэ, бу оҕобор биир сатыын ырбаахы таҥаһы-
на, биир солко былаатта, биир арсыын ньиэндэтэ, биир та-
раахта уонна үс арсыын дабата, биир чэйдэ, биир муунта
табахта, муунта аҥаара саахарда. Чэ, уонна туох эмэ ордор
буоллаҕына, бэйэҥ ааҕан уураар, кэнники ылыллыа, оҕолорум
күүтэн өлүөхтэрэ.
У о л а к а. Саамай сөп.
С а т а р а а л киирэр.
У о л а к а. Сатараал, бар эрэ, били Мөкүөйэ эмээхсини
ыҥыран киллэр, билигин итиннэ көстөн эрэр этэ дуу.
С а т а р а а л. Ыҥырарым кэмнээх буолуо дуо? (Тахсар.)
У о л а к а (ылан биэрэ-биэрэ). Чэйиҥ бу баар. Табаҕыҥ
бу баар. Сөптөөх. Аны кырыбыайкаҥ бу баар. Сөптөөх. Ньиэн-
дэҥ бу буоллун. Аны солко былаатыҥ… бу буоллун. Аны, аны
сатыыҥҥын мээрэйдиэх — сэттэ арсыын сөп буолар ини?
С а й с а р ы. Буолуоҕа.
У о л а к а. Бу баар. Аны дабаҥ, бу баар, бэлэм көнньүөс.
Оттон саахарыҥ, кэмпиэтиҥ — бу. Чэ, итигирдик, ийээ, уон-
нааҕытын кэнники диэтиҥ буолбат дуо?
С а й с а р ы. Кэнники. Чэ, мантыкабытын суулаан кулу,
дьиэбитигэр илдьэн тотуохпутугар диэри биирдэ көрүөхпүт.
У о л а к а. Суулаан бөҕө буоллаҕа дии…
С а й с а р ы. Ити Мөкүөйэни тоҕо ыҥыртардыҥ?
У о л а к а. Эн хараххын эмтэтээри, ийээ, эрдэтинэ эмтэп-
пит ордук буолуо.
С а й с а р ы. Хайа, тукаам, онтукаҥ манньа диэ суоҕа дуо?
У о л а к а. Диэтин. Ийэм иннигэр манньатын мин бэйэм
биэриэм.
С а й с а р ы. Бу оҕом барахсан тылын. О, аныгы дьон

139