Page 145 - Литература 11 кылаас 1 чааhа

Шура, кини госпитальтан кэлэрин көһүтэн, күтүөтүн аахха,
Тирасполь куоракка олороро. Сэмэн Обручу заставатыгар тах-
сар буолбутун Шура истэн, тоҕо эрэ, кэри-куру буолла.
— Шура, туох буоллуҥ?.. Урут үлэлээбит, олорбут сирим
дии. Онно тахсарбыт үчүгэй буолбат дуо? — Кэргэнэ туохтан
бу курдук буолбутун өйдөөбөккө ыйытта.
— Онно тахсан ханна олоруохпутуй? — Шура, тоҕо эрэ, ха-
раҕын уутун сотунна.
— Шура, чудачка, урут мин олорбут хоспор олоруохпут
буол лаҕа дии! — Сэмэн мичээрдээтэ. — Хата, хомуна оҕус!
— Хайдах?.. Сибилигин тахсабыт дуо?
— Сибилигин, Шура, сибилигин!.. Эйигин олус да аҕын-
ным! — Сэмэн кэргэнин кууһан, уураары гынар.
— Кэбис!.. Сеня, тохтоо!.. Биһиги сарсын да тахсарбыт та-
быллыбат дуо?
— Мин үлэбэр тахсарым билигин да үс хонук баар… Мин
даҕаны… Сарсыҥҥа диэри манна тугу гыныахпытый?
— Сеня, оттон… Чэй өрүнэр, күөс күөстэнэр, таҥас суунар
туох эмэ иһиттээх буоллахпытына табыллара буолуо… Ыал
аата буолан баран, хайдах туга да суох… — диэн, Шура тоҕо
кинилэр сибилигин тахсаллара табыллыбатын Сэмэҥҥэ өй-
дөттө. Кырдьык даҕаны, иһит-хомуос тэриннэхтэринэ, атыы-
ластахтарына табыллар эбит.
Сарсыарда эрдэ туран, оспуоччугунан Обручу заставаты-
гар бардылар. Кэлэн, олбуор аанын таһыгар Шураны хаалла-
ран баран, Сэмэн застава кэнсэлээрийэтигэр киирдэ. Саҥа
начальник Дмитрий Халин киниэхэ көмөлөһөөччүнэн үлэлии
Владимиров тахсыбытын сөбүлээбэтэх курдук көрүстэ. Аҕыйах
хонуктааҕыта Халин манна начальнигынан ананан тахсарыгар,
этэрээт штабын начальнига Михайлов быһа-бааччы: «Вла-
димиров бааһыран госпитальга киирбэтэҕэ буоллар, кинини
аныа этибит» — диэн эппитэ. Ол начальнигынан анаары гынар
киһилэрэ үтүөрэн бу үлэлии кэллэ.
Халины кытта Сэмэн хас да ый үлэлээтэ. Кинилэр бу кэм
устатыгар соччо-бачча кэпсэппэттэр. Владимиров бэйэтин
эбээһинэһин эҥкилэ суох толорор. Ити курдук үлэлии олор-
дохторуна, этэрээттэн телефонограмма кэллэ:
«36­с Обручутааҕы застава начальнигын көмөлөһөөччүтүн
Владимировы Рыбництааҕы комендатура 6­с Выхватенцатаа­
ҕы заставатын начальнигын солбуйтара ыытарга».
Бу застава начальнига Фёдор Степанович Омельченко му-

145