Page 175 - Литература 11 кылаас 1 чааhа
P. 175
лэр-биллибэттик сүдьүҥнээн киирэн иһэн, кылаас иһэ эмискэ
сулбу ойон турбутугар соһуйан тохтуу түстэ, онтон мүчүҥнүү-
мүчүҥнүү, дорооболоһон тоҥхолдьуйда.
— Оҕолоор, Лука Максимовиһы кытта эһигини билиһин-
нэрэр наадата суох ини? Кини эһиги бары билэр киһигит буо-
луохтаах.
— Билэбит! Билэбит!
— Биһиги колхозпут биир саамай кырдьаҕас, ытыктабыл-
лаах үлэһитэ Лука Максимович бүгүн эһигини кытта көрсөн,
кэпсэтэ кэллэ.
Түгэх паарта диэкиттэн улахан ытыс лобурҕаччы охсуолаа-
бытын батыһан, оҕолор ытыстарын тыаһа умайыктана түстэ.
Кэтэххэ оҕолор быыстарыгар Нахов кыбыллан олорорун Ала-
сов онно эрэ өйдөөн көрдө.
Бахсытов оҕонньор ити эҕэрдэлиир ытыс тыаһа киниэхэ
ананарын өйдөөбөтөх дуу, биитэр өйдөөтөр да, соччо сөп-
сөөбөтөх дуу курдук, кылаас иһин эргиччи көрүтэлии олор-
до. Кини сааһа алта уонуттан лаппа таҕыстар да, бэрт хоһуун
көрүҥнээх, хатыҥыр, көнө уҥуохтаах. Салгын сиэн килэрий-
бит, чарчыстыбыт уҥуох сирэйэ, энньэгэр сэҥийэтиттэн түс-
пүт убаҕас күрэҥ бытыга эрэ кини сааһын туоһулууллар.
— Ити тоҕо ытыскытын таһынар буолаҕыт? — оҕонньор
эмискэ Аласов диэки өрө мылас гынан ыйытта.
— Лука Максимович, эйигин эҕэрдэлээн!
— Но! — Бахсытов бэркэ дьиктиргээбиттии тутунна. — Ол
миигин тоҕо эҕэрдэлиигит? Пиэньиэргэ киирдим дуу, биитэр
сыбаайбалаан эрэбин дуу? — Иннигэр олорор уолу сөмүйэ-
тинэн ыйда. — Дьэ, бу эн эт эрэ: миигин тугум иһин эҕэр-
дэлиэххэ сөбүй? Билбэккин дуо? Оччоҕо дьэ тоҕо ытыскын
таһынаҕын? Хайа иччитигэр дылы дьону үтүктэн дуо?
— Кырдьаҕас колхозтаах буоларыҥ иһин! — Юра Монасты-
рёв чап гыннарда.
— Ээ-э, кырдьаҕаһым иһин эҕэрдэлиир эбиккит дии! Ону
баара, мин үчүгэй үлэһит диэн хайҕаммыкка холоммутум. Кыр-
дьык даҕаны, мин хайдах үлэлиирбин эһиги хантан билиэх-
хитий? Мин үлэбин улахаҥҥа уурбат да инигит. Үлэм иһин
буолбатах, бытыгым иһин, бу сатана бытыгын иһин, — оҕон-
ньор туура тардан ылыахтыы, сэҥийэтин бытыгын бобо хар-
баан ылла, — эҕэрдэлэннэҕим… Үтүөм-өҥөм да кыра эбит… —
Бахсытов чахчы хомойбут дьүһүннэннэ. — Кырдьары ханнык
да бэйэлээх күөх көппө, ханнык да мас акаары сатыыр ини.
Киһини бытыгын иһин буолбакка, үлэтин иһин ытыктыах баа-
175
