Page 48 - Литература 11 кылаас 1 чааhа

Тапталбын ылбытыҥ
Дьапталҕа тааскыныын,
Чэҥирбит кырыскын
Тириэрбит сааскыныын,
Былыргы бухатыыр
Быыра ох саатыныын,
Өстөөҕүн самнартыыр
Өбүгэм аатыныын.

Уруйдаан эрэрдии
Оһуоруҥ мичиҥниир,
Эрэлгин этэрдии
Иннибэр күөгэҥниир
Нуоҕайар талахтар
Тоҥхоҥнуу турдулар,
Тыаларгар, аларгар
Чыычаахтар туойдулар.

Күндүгүн, эбэккэм,
Күөх долгун тыаһыныын,
Алгыы хаал, эбэккэм,
Алааһым кыыһыныын.
Нохтолоох сүрэхпэр
Дьол тыынын кутаҕын,
Эргийэн кэлэрбэр
Эрэнэ устаҕын!
1941 с., атырдьах ыйа

Ыйытыылар уонна сорудахтар

1. Бэйиэт Элиэнэ эбэтигэр сыһыанын, тапталын кэпсэтиһиҥ,
иэйиитин үрдүк тылларын хоһоонтон холобурдааҥ.
2. Бэйиэт Элиэнэ эбэ уобараһын ханнык уус­уран ньымала­
рынан хоһуйарый?
3. «… Дьол тыынын кутаҕын,
Эргийэн кэлэрбэр
Эрэнэ устаҕын!» — диэн этиитэ ханнык санаалары үөскэтэн
бэйиэти уоскуталларый?
4. Фронтовик бэйиэттэр Макар Хара, Тимофей Сметанин,
Дьуон Дьаҥылы хомуурунньуктарыттан Элиэнэ эбэ уобара­
һын тэҥ нээн көрүҥ.

48