Page 45 - Литература 11 кылаас 1 чааhа
P. 45
СУРУККУН КҮҮТЭБИН
Ааҕарга аҕыйах да кэм буоллар,
Ахтартан истиҥник суруллар.
Итии тыл сэрииһит сүрэҕэр
Эрчимниир күүс буолан кутуллар.
Баҕар, Эн саныырыҥ буолуоҕа
Балтика биэрэгэр мин баарбын,
Элиэнэм тыалынан илгийэр
Эйэҕэс суруккун ааҕарбын.
Үлэспит суругум тылыгар
Үөскээбит алааһым салгына,
Тыалырар чараҥар, тыатыгар
Тырым күөх, солко күөх суугуна.
Кыраайбын, бар дьоммун көрөбүн
Кыайыыга ыҥырар суруктан,
Суруктан үөрэбин-көтөбүн
Сотору көрсүһэр баҕаттан.
Ол иһин кэрэтик саныыбын
Умнуо суох, суруйуох буолбуккун,
Күүтэбин, ол иһин күүтэбин
Күн ахсын, чаас ахсын суруккун.
1943 с., бэс ыйа
ХАРА ХАРАХ
(«Сэрии уораана»)
Хара харах, нарын дьүһүн,
Ханна баарый тапталыҥ,
Унаар сайын, дьогдьоот күһүн
Уолгун күүтүөх буоларыҥ?
Кэлбэт сурук кэлэтиэҕин —
Кини күүтэ үөрэммит,
Умнубута буолуо диэҕин —
Олус күүскэ эрэммит.
Тоҕо таптал дьолун кэстиҥ
Доҕоргуттан араҕан,
45
