Page 46 - Литература 11 кылаас 1 чааhа

Тыһыынчата эппит истиҥ
Тылгын тыалга быраҕан?

Эдэр буойун, итии сүрэх
Эрэллэрин кэспиккин
Сыаналыыргар эрэ кэрэх,
Сыыһаларгын билиэххин.
Хара харах, нарын дьүһүн,
Ханна баарый тапталыҥ,
Унаар сайын, дьогдоот күһүн
Уолгун күүтүөх буоларыҥ?

1944 с., ыам ыйа

Ыйытыылар уонна сорудахтар

1. Макар Хара «Доҕорбор», «Суруккун күүтэбин», «Хара ха­
рах» хоһооннорун сүрүн этэр санаата, тиэмэтэ тугуй?
2. Н. Е. Винокуров­Урсун кинини «туох ханнык иннинэ лии‑
рик бэйиэт» диэн сыаналыырын кытта сөбүлэһэҕит дуо?
Холобурдааҥ, да каастааҥ.
3. Бу хоһооннор таҥыллан турар бэрээдэктэринэн сирдэтэн,
бэйиэт санаата хайдах оонньуурун кэпсэтиҥ. Сэрии кэмигэр
сүтэрсии кыһалҕатын ырытыһыҥ.
4. «Хара харах» хоһооҥҥо курдук олоххо барыта киһи баҕа­
рарын курдук буолбат: таптыыр киһиҥ кэтэспэт, кэлэйии,
таҥнарыы, соҕотохсуйуу, муунтуйуу да баар буолар. Оч­
чотооҕу уйан дууһалаах эдэркээн саллаат санаатын сыана­
лааҥ. Лириичэскэй дьоруойга тугу сүбэлиэ этигитий?
5. Эһиги санааҕытыгар, ханнык устуруокалар кыайыыга кы­
наттыылларый, бэйиэт сүрэҕэр эрэли үөскэтэллэрий?

АНААН ДЬҮҮЛЛЭҺИИ

Сэрии уонна таптал. Бэйиэт сэрии уотугар да сырыттар тап­
талы туойарын уураппат. Олоххо тардыһыытын туох күүс,
ханнык өй­санаа күүһүрдэрин кэпсэтиһиҥ.

46