Page 47 - Литература 11 кылаас 1 чааhа

ЛИТЕРАТУРА ТҮӨРҮЙЭТЭ

Макар Хара хоһооннорун силлабо-тоническай ньыманан суруйар,
инверсияны туһанар, рифманан дьүөрэлиир, эпиитэттэринэн киэргэ-
тэр диэн быһаараллар. Хоһооннортон холобурдааҥ, чинчийэр үлэтэ
суруйуҥ (иһитиннэрии, сыанабыл).

АЙАР, АЙЫМНЬЫЛААХ ҮЛЭ

Өйтөн суруйуу тиэмэлэрэ:
1. Бэйиэт хоһоонноругар сэрии уонна таптал тиэмэтэ.
2. Кыргыһыы талааны кыргыбат.

ЧИНЧИЙЭР ҮЛЭ

Бу хоһооннорго фронтовик бэйиэт М. И. Кузьмин­Макар
Хара уонна кини олоҕун аргыһа РСФСР норуодунай артыыһа,
саха бастакы опернай ырыаһыта Анна Егорова тапталларын,
олохторун, айар үлэлэрин туһунан иһитиннэриитэ оҥоруҥ.

Ааҕыы, сэһэргэһии

БЫРАҺААЙ, ЭЛИЭНЭ ЭБЭККЭМ
Быраһаай, эбэккэм,
Быыппастар долгуннуун,
Алгыы хаал, эбэккэм,
Ача күөх оккунуун,
Сүүрүктээх киэҥ түөскэр
Сөтүөлүүр кустардыын,
Дьэрэкээн биэрэккэр
Чэлгийэр мастардыын.
Ходуһа хочоҕун,
Куугунуур дьалхааҥҥын,
Кумахтаах хомоҕун,
Кустуктаах халлааҥҥын
Таптыыра сүрэҕим
Тапталы билиэхтэн,
Айылҕам симэҕин
Аан маҥнай көрүөхтэн.

47