Page 184 - Литература 11 кылаас 2 чааhа
P. 184
ПАВЕЛ НИКОЛАЕВИЧ ХАРИТОНОВ—ОЙУКУ
(1941)
Павел Николаевич Харитонов тө-
рөөбүт күнэ Аҕа дойдуну көмүскүүр
Улуу сэрии саҕаламмыт күнэ — 1941
сыл бэс ыйын 22 күнэ. Бэлиэ күн!
Ол эрээри Павел киһи быһыытынан
майгытыгар-сигилитигэр ити биһиги
дойдубут олоҕор буолбут өлүүлээх-
сүтүүлээх дьэбир күн сабыдыалы
оҥорботох — айылҕаттан бэриллибит
элбэх дьоҕурдаах да буоллар, бэрт
сытыары-сымнаҕас, көрсүө, сэмэй,
ылыммыт аатыгар Ойукуга чугас, бил-
лэ-көстө сатаабат, тыаһа-ууһа суох
оҥоро-бүтэрэ сылдьар идэлээх. Арай
төрөөбүт күнэ-дьыла кини дьоҥҥо-сэргэҕэ туох эрэ туһалаа-
ҕы оҥорор дьулҕаныгар, тус бэйэтин көрүммэт, обществен-
най өйүгэр-санаатыгар, улууһун, өрөспүүбүлүкэтин олоҕор
күүһэ-дьоҕура тиийэринэн кыттарыгар сабыдыаллаабыт бы-
һыылаах.
Орто оскуоланы бүтэрэн баран, оччотооҕуга биир баста-
кы нан «Оскуола—производство—үрдүк үөрэх» девиһинэн кы -
лааһынан сопхуос биир отделениетыгар тахсыһан үлэтин
саҕалаабыта. Аармыйаҕа сылдьыбыта. Намнааҕы художествен-
най училищены бүтэрбитэ. СГУ саха салаатыгар үөрэнэн,
1976 сыллаахха үрдүк үөрэхтэммитэ. Покровскайга учуутал-
лаабыта, худуоһунньук идэлээх буолан саха тылын уонна лите-
ратуратын бэртээхэй кэбиниэтин тэриммитэ. 1983 сыллаахха
Серго Орджоникидзе, кэлин Г. В. Ксенофонтов аатынан ула -
рытыллан тэрийбит мусуойугар дириэктэринэн таһаарыылаах-
тык үлэлии сылдьар. Үлэлиир идэтинэн — кыраайы үөрэтээч -
чи. Үс кинигэлээх «Хоболоох суол» диэн улахан ара мааны су-
руйарыгар, дойдутун уруккутун иҥэн-тоҥон билбитэ, үөрэп-
питэ бөҕө тирэх буолбута саарбаҕа суох.
Н. Е. Винокуров-Урсун
184
