Page 19 - Литература 11 кылаас 2 чааhа

41
Өрөбүл күн үс буолан
Бу сынньана таҕыстылар,
Дьэҥкэрэр уу кырсынан
Дьурулууллар хараҥаччылар.
Кузьмич уот аттыгар
Көтөхтө куруускатын:
«Кэнчээри, эн аттестатыҥ,
Эн кэскилиҥ туһугар!..»
Ууга үрүҥ былыттар
Сөтүөлүүллэр куйааһырҕаан,
Хамсаабаттар талахтар,
Кузьмич быардыы сытан
Сэһэргээтэ куолутунан:

42

«Истибитим муударай
Номоҕу хаһан эрэ,
Ханна эрэ арылхай
Көмүс хайа күндээрэр.
Чыпчаалыгар уйа туттан,
Күн олорор бэйэтинэн,
Кинини көмүһүнэн
Хаар үллүйбэт, саппат туман.
Тиийбэт Дьааҥы чубукута,
Көтөн тиийбэт хомпоруун…
Арай киһи чулуута
Булар кини оройун,
Булар ким үтүө, хорсун.

43
Тиийбэт сидьиҥ, куттас, албын,
Күн эриэккэс хайата баар,
Бу номоҕу таптыыбын,
Коммунизмы санатар…
Коммунизмы арай сатаан
Тутуһуохтара хорсуннар,
Чиэһинэйдэр, хоһууннар,
Эн үлэлээ аан бастаан,
Туттар олох экзаменын,
Бэрэбиэркэлэн бэйэҕин,

19