Page 23 - Литература 11 кылаас 2 чааhа

Аҥала, салаҥ тыллар…
Оо, Шекспир, оо, Шиллер!..
Булан этиэх этилэр…

7
Кыыс хайаан да кэлэйдэҕэ.
Бэлиэр кэллэ кэлииккэ,
Киирэн хаалыа күүлэҕэ
Сэһэргэһэ түспэккэ.
«Чэ, быраһаай, Ромео».
«Тохтуу түһүүй… Эйиэхэ мин…
«Кэбис, ийэҥ эйигин
Таһыйыа, иэдээн буолуо!
Гудбай!» «Сарсын киинэҕэ
Кэлиэҥ дуо, аҕыс чааска?»
«Баҕар, кэлиэм… Көрүллүөҕэ…»
«Онон сарсын кулуупка…»
«Чэ, сөп…» «Өйдөө, аҕыска!..»

8

Анаата көрсүһүүнү
Аан маҥнай симик уолчаан,
Эҕэрдэлиэҕиҥ өрүөлү
Хорсун-хоодуот быһыытынан.
Биэс-алта сыл Кэнчээри
Оскуолаҕа күннэтэ Еляны көрөр этэ,
Кыһаммата ол эрээри…
Араас баар — олороллор
Сорохтор биир бөһүөлэккэ,
Көрсө түһээт, дорооболоһоллор,
Кырдьаллар билсибэккэ,
Истиҥник кэпсэппэккэ…

9

Кэнчээригэ биири бүгүн
Истиҥник баҕарабын,
Дьиҥнээх дьолун көрүстүн,
Албын уоһу уураабатын…
Түүн утуйан биэрбэтэ,
Бетховен курдук улуу
Композитор буоллар дуу…

23