Page 25 - Литература 11 кылаас 2 чааhа

ТӨРДҮС ЫРЫА
1

Mac сымала, от сүмэтэ
Уохтаах быырпах курдук көөнньөр,
Улугурбут халлаан иитэ
Ыыс-быдаан буолан көстөр.
Суобаһыргыы барбакка ыт
Тылын былас түһэрдэ,
Эмис киһи иэдэйдэ,
Тостуох курдук куура хаппыт
Уолаттары ордугургуур,
Оттон кыһын кинилэри
Күлэр этэ… Тыа буруолуур…
Сэрэҕэ суох, дьалбаа киһи
Өрт уотун ыытта ини.

2
Куйаас! Куйаас! Хата, ааттаах
Ууһуттар күннээтилэр,
Эбисийээнэ буолбатах,
Киит төрүттээх кэриэтэлэр.
Сэрэйдэххэ, балык курдук
Хайыылаахтар, арааһа,
Умсаллар куоталаһа
Улуннааҕар уһуннук.
Кумахха таалалыыллар,
Ырайдааҕы сибэтиэйдии,
Сыгынньаҕын чырбаҥныыллар,
Саҕаланна окко киирии,
Күөх фроҥҥа киэҥник кимиҥ.
3

Колхозка от хомууругар
Мобилизация саҕаланна,
Бааһынай кылааһыгар
Көмө буола, айаҥҥа
Аттаныахтаах куорат уола —
Кэнчээри интеллигент.
Сулууспалаах буоллум диэн,
Олоруо дуо хамнас ыла?

25