Page 121 - Саха тыла 5 кылаас

234. Аах. Сирэй саҥаны, куоласкын уларытан, арааран
эт. Сирэй саҥаҕа туттуллар сурук бэлиэтин болҕо-
йон көр уонна этии оҥкулун оҥор (а — ааптар
тыла, А — улахан буукубаттан саҕаланар ааптар
тыла, С — сирэй саҥа, мэлдьи улахан буукубаттан
саҕаланар).

Толоруу холобура: 1. А: «С?»

1. Учуутал ыйытта: «Дьиэ үлэтин бары толордугут
дуо?» 2. «Биһиги билигин барыахпыт», — диэтэ аргыһым.
3. «Мэлдьи бэлэммит!» — диэн оҕолор чуолкайдык хо-
руйдаатылар, 5. «Хаһан кэлиэхтэрэй?» — диэн мин дьом-
муттан сурастым.

Ааптар тылын кэнниттэн сирэй саҥа иннигэр икки
туочука турар. Сирэй саҥа хабыычыкаҕа ылыллар
уонна улахан буукубаттан саҕаланар: А: «С».

Сирэй саҥа ааптар тылын иннигэр турар буол-
лаҕына, сирэй саҥа бүтүүтүгэр соппутуой эбэтэр
ыйытыы, биитэр күүһүрдүү бэлиэтэ турар уонна ти-
риэлэнэр. Ааптар тыла кыра буукубаттан саҕаланар.
Онон сирэй саҥалаах этии оҥкула маннык:

1. «С», — а. 2. «С?» — а. 3. «С!» — а.

235. Этии оҥкулун торумнаа.

1. «Кэл эрэ, Сэмэнчик, көмөлөс», — диэтэ ийэм.
2. Ийэм сибис гынна: «Аҕаҥ кэлэрэ чугаһаата, хайдах
эмэ гынан, тыаҕа түһэн, тиийэн сэрэт». 3. «Сылабаары
таһаара оҕус, туох үлүгэр буруолаттыҥ!» — диэтэ ийэм.
4. «Доҕоор, сааҥ иитиилээх дуо?» — диэтэ аҕам. (Нико-
лай Заболоцкай)

121