Page 134 - Саха тыла 5 кылаас

Хатылааһын

1. Этии сиинтэксис тутаах өлүүскэтинэн ааҕыллар. Да-
каастаа.

2. Этии тиибэ бэйэ-бэйэтиттэн сүрүн уратыта тугуй? Холо-
буру тэҥниэххэ:

Өйдөөх холку буоллун! — Өйдөөх — холку, үптээх —
күүстээх (Амма Аччыгыйа.) — Өйдөөх холку, үптээх күүс-
тээх буолар дуо? — Оо, өйдөөх холку, үптээх күүстээх!

3. Бу этииттэн кырамаатыкалыы олоҕун бул:

Саҕахтан сайыҥҥы күн субу кылбайа устан тахсан
эрэрэ. (Далан)

4. Этии тэнийбит бэлиэтэ. Ойоҕос чилиэни булан анал бэ-
лиэнэн тарт.

Сэргэй, кинини күүтэ таарыйа, кырааскалаах ыска-
мыайкаҕа хам тоһоҕоломмут курдук, аһара өр олордо.
(Пётр Аввакумов)

5. Тэнийбит этиини тэнийбэтэхтэн тугунан ордороҕунуй?
Тэҥнээ.

Кини бэҕэһээ төрөөбүт дойдутуттан өр күүтүүлээх су-
ругу долгуйа тутта. (Семён Никифоров) — Кини тутта.

6. Этии биир уустаах чилиэнэ көннөрү чилиэнтэн ураты-
лаах дуо? Бу икки этииттэн хайата биир уустаах чилиэннээҕий?

Дьоруойдары олох, үлэ, охсуһуу үөскэтэр. (Софрон Да-
нилов) — Дьоруойдары олох үөскэтэр.

7. Туһулуу кэпсэтиигэ киэҥник туттуллар. Биир киһиэхэ
араастык туһуланар, холобур: тукаам, тоойуом, Аанчык,
Аанчыгыам, чыычааҕым, көмүһүм оҕото, хотуой, кыысчаа-
ныам, о.д.а. Туһулууга ханнык сурук бэлиэтэ туттулларын са-
натыһыҥ.

134