Page 50 - Саха тыла 5 кылаас
P. 50
ол иһин тылдьытын суолтата хаһан да сүппэт. Бочуот-
таах акадьыамык биһиги норуоппутугар оҥорбут сүҥкэн
өҥөтүн хаһан да умнуо суохтаахпыт.
90. Араас тылдьыты туһанан, сорудаҕы толоруҥ.
1. «Саха тылын быһаарыылаах кылгас тылдьытынан»
бу тыллар суолталарын быһаар: киллэм, мандар, оллоон,
тирбэҕэ, угут, өркөн.
2. Н.С. Григорьев «Саха тылын сомоҕо домоҕун тыл-
дьытын» туттан, сомоҕо тыллар суолталарын өйгөр ха-
тыырга кыһан. Киһи баара холлуо дуо. Суол үктээ. Суор
хараҕын сиэбит. Тиҥилэҕэ харааран хаалла. Түөһүн ох-
сунар. Уоспутунан үллэстиэҕиҥ.
3. Таба суруйуу тылдьытынан сирдэтэн, тыллар таба
суруллууларын чуолкайдыыр наада. Далаһа — талаһа;
огурсуу — оҕурсу; эдьий — эдьиий; барыыһыкпын —
барыыһыбын; испииһэк — испиэһэк; сыһыыннан — сы-
һыынан, аргыый — оргууй.
91. Ыйытыыга хоруйдааҥ уонна дьүүллэһиҥ.
1. Лиэксикэ салаатыгар ордук тугу сэргээтиҥ, кэрэх-
сээтиҥ?
2. Наассыйа тыла диэни хайдах өйдүүгүнүй?
3. Саха бүттүүн тылыгар түөлбэ тыл киирэр дуу, киир-
бэт дуу? Тоҕотун тобулуохха.
4. Саха литературнай тыла кэпсэтии тылыттан туох
уратылааҕый?
5. Тылы билэргэ сэрэйэр дьоҕур туһалаах. Ол аата
тугуй?
92. Түөлбэ тылыгар ким элбэх холобуру аҕаларыгар
күрэхтэһиҥ.
50
