Page 106 - Литература 5 кылаас 1 чааhа

Чурум-Чурум-Чурумчуку?!»
Чохорооно да суох буоллар
Чурум-Чурумчуку
Чугуруйа барбата.
Арсыын тиистээх кыыллартан
Алыс да чаҕыйбата,
Антах-бэттэх хаампата,
Албастаах санааланна,
Алыптаах айахтанна.
«Амтаннаах отон уутунуу,
Аалай кыһыл кырааскалаах,
Утахтары ханнарар,
Уоттуу оонньуур хааннардаах
Обугуркаан уоһум баар.
Онтон уобан көрөөхтөөҥ,
Уолбат соллоҥ күтүрдээр!»
Онуоха сырҕан кыыллар
Ойон-мөҥөн кэллилэр,
Чурумчуку уоһугар
Суптурута түстүлэр.
Ырдьыгыныы-ырдьыгыныы
Ытыран эрдэхтэринэ,
Чурумчуку обургу
Чуут-чуут өрүһүннэ,
Сап саҕаттан самсанна,
Ситии саҕаттан силбэннэ,
Туустаах аһыы тумсунан
Туойан кээстэ иһилиннэ.
«Уоһум, уоһум, обор!» — диэн
Этэн кээстэ силлиэлэннэ.
Инньэ диирин кытары
Эппит тыла иччилэннэ:
Эһэ, бөрө кыыллар бары
Чурумчуку иһигэр
Чупчуруллан киирдилэр.

106