Page 110 - Литература 5 кылаас 1 чааhа

Ол муҥ кэлин уһугар
Ситэ сиэнэрин туһугар
Чочур Мыраан хайа саҕа
Чымаан үрдүк бааһынаҕа
Өрө соһон суккуратан,
Сууттуу-дьууктуу таһаардылар…
Тоҕус дуолан палачтар
Чурумчуку үрдүнэн,
Чой оройун сиигинэн
Чолбон уота суһумнаах,
Сулуйумтуо сокуоннаах,
Сундул-сыыйыы болотторун
Сулбу ойуттулар.
Чурумчуку онуоха
Чугуруйа хаампата.
Чыычый биилээх кылыстан
Чымарыттан турбата,
Албастаах санааланна:
«Уоһум, уоһум, өҕүй!» — диэтэ,
Өҕүйэн эппэҥнээтэ.
Инньэ диирин кытары
Эһэ, бөрө кыыллар бары
Имигэстик уоһуттан,
Элимтэҕэй сылгы курдук,
Төлө мөҥөн түстүлэр.
Тоҕус палач онуоха
Торҕоннортон уолуйан,
Туймаарыйа уҥнулар…
Онтон улам өйдөнөн,
Тыын тыыҥҥа харбас буолан:
«Тыый, тыый!» — диэн часкыйдылар,
Тыа диэки сырыстылар…
Былаахыга быстартан
Быыһаммыт Чурумчуку
Ыраахтааҕы тойоҥҥо

110